കോഴിക്കോട്: ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്‍ ബേപ്പൂര്‍ മണ്ഡലത്തില്‍ പര്യടനം നടത്തി. രാവിലെ ജില്ലാ അതിര്‍ത്തിയായ വൈദ്യരങ്ങാടിയില്‍ നിന്നാണ് പര്യടനത്തിന് തുടക്കം കുറിച്ചത്.
തുടര്‍ന്ന് കൊറ്റമംഗലം, കോടമ്പുഴ, 84, ചുങ്കം, കോട്ടപ്പാടം, കള്ളിത്തൊടി, പെരുമുഖം, തിയ്യത്ത് താഴം, പ്രബോധിനി, കോട്ടക്കടവ്, ചെറുവണ്ണൂര്‍, നാത്തൂനിപ്പാടം, നല്ലളം ബസാര്‍ വഴി പര്യടനം നല്ലളം ചാലാറ്റിയില്‍ സമാപിച്ചു.
വൈകിട്ട് ആറിന് കൊടുവള്ളി മണ്ഡലത്തിലെ ഓമശ്ശേരിയില്‍ നടത്തിയ സ്ഥാനാര്‍ഥിയുടെ റോഡ്‌ഷോ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. മങ്ങാട്ട്, കൂടത്തായി, താമരശ്ശേരി ചുങ്കം, പരപ്പന്‍പൊയില്‍, വാവാട്, കൊടുവള്ളി, മാനിപുരം, കരുവന്‍പൊയില്‍, ഹൈസ്‌കൂള്‍ റോഡ്, വെണ്ണക്കോട്, പടനിലം, ആരാമ്പ്രം, നരിക്കുനി, ചെങ്ങോട്ടുപൊയില്‍, മടവൂര്‍മുക്ക്, കച്ചേരിമുക്ക്, പന്നൂര്‍ എച്ച്.എസ്, എളേറ്റില്‍ വട്ടോളി, പൂനൂര്‍ വഴി രാത്രിയോടെ തച്ചംപൊയിലില്‍ സമാപിച്ചു.
എം.എ റസാഖ് മാസ്റ്റര്‍, വി.എം ഉമ്മര്‍ മാസ്റ്റര്‍, സി.ടി ഭരതന്‍ എന്നിവര്‍ സ്ഥാനാര്‍ഥിയെ അനുഗമിച്ചു. വിവിധ കേന്ദ്രങ്ങളില്‍ എം.സി മായിന്‍ ഹാജി, ടി. ആലിക്കുട്ടി മാസ്റ്റര്‍, കെ. ശിവദാസന്‍, യു. പോക്കര്‍, സുരേഷ് രാമനാട്ടുകര, ടി.കെ ഗഫൂര്‍, ഷഫീഖ് അരക്കിണര്‍, സനോജ് കുരുവട്ടൂര്‍, സിജി കൊട്ടാരം, റാഷിദ് നന്മണ്ട, ഹബീബ് ചെറൂപ്പ, സി.വി ജിതേഷ്, സെബാസ്റ്റ്യന്‍ മാസ്റ്റര്‍ സംസാരിച്ചു.