മാനന്തവാടി: എടവക കാക്കഞ്ചേരിയില്‍ ഇടിമാലിയല്‍ സണ്ണിയുടെ വീടിന് മുകളില്‍ മരം കടപുഴകി വീണു.  ഇന്നലെ വൈകിട്ടാണ് സംഭവം. കമുക്, മഹാഗണി എന്നിവ ഒരുമിച്ച് വീടിന് മുകളില്‍ വീണു. 10 മിനിട്ടിന് ശേഷം സമീപത്തെ പ്ലാവും വീടിന് മുകളിലേക്ക് കടപുഴകി വീഴുകയായിരുന്നു. സണ്ണിയുടെ അമ്മയും ഭാര്യയും മക്കളും വീട്ടിലുണ്ടായിരുന്നെങ്കിലും ഭാഗ്യം കൊണ്ട് പരുക്കേല്‍ക്കാതെ രക്ഷപ്പെട്ടു. മാനന്തവാടി: കനത്ത മഴയിലും കാറ്റിലും മേല്‍ക്കൂര തകര്‍ന്നു. മാനന്തവാടി പഴശ്ശിരാജ സ്മാരക ഗ്രന്ഥാലയത്തിന്റെ മേല്‍ക്കൂര കനത്ത മഴയിലും കാറ്റിലും തകര്‍ന്നു. വ്യാഴാഴ്ച ഉച്ചക്ക് ശേഷം മാനന്തവാടി പ്രദേശത്ത് വീശിയടിച്ച കാറ്റില്‍ ഗ്രന്ഥാലയത്തിന്റെ മേല്‍ക്കൂരയുടെ അലൂമിനിയം ഷീറ്റുകള്‍ പറന്നു പോയി. ശക്തമായ കാറ്റില്‍ ജനല്‍ പാളികളും തകര്‍ന്നു.