മാനന്തവാടി: ക്രൈസ്തവ സമൂഹം പെസഹ ആചരിച്ചു. ബിഷപ്പ് ജോസ് പൊരുന്നേടം മാനന്തവാടി കണിയാരം കത്തീഡ്രലില്‍ പെസഹ സന്ദേശംനല്‍കി. ഇടവക വികാരി ഫാ. പോള്‍ മുണ്ടോളിക്കല്‍ സഹകാര്‍മികത്വം വഹിച്ചു.  പുതിയിടം കുന്ന് വിചാവറ കുര്യാക്കോസ് ദേവാലയത്തില്‍ ഫാ. തോമസ് പെരുമാട്ടികൂന്നേലും തവിഞ്ഞാല്‍ സെന്റ് മേരിസ് പള്ളിയില്‍ ഫാ. ആന്റോ മമ്പള്ളിലും യവനാര്‍കുളം സെന്റ് മേരീസ് ദേവാലയത്തില്‍ ഫാ. ജിമ്മി മൂലയിലും കരിമാനി ഉണ്ണിശോ പള്ളിയില്‍ ജില്‍സ് ഞവരക്കാട്ടും ആറാട്ടുതറ സെന്റ് തോമസ് ദേവാലയത്തില്‍ ഫാ. ജസ്റ്റിന്‍ മൂഞ്ഞനാലും കാല്‍ കഴുകല്‍ ശുശ്രൂഷക്ക് നേതൃത്വം നല്‍കി.  താലൂക്കിലെ വിവിധ ദേവാലയങ്ങളിലും പെസഹ വ്യാഴത്തോടനുബന്ധിച്ച് പ്രത്യേക പ്രാര്‍ഥനകളും കാല്‍കഴുകല്‍ ശുശ്രുഷയും നടന്നു.