കോതമംഗലം: ജില്ലാ ഭരണകൂടത്തിന്റെ സഹകരണത്തോടെ കവളങ്ങാട് സെന്റ് ജോണ്‍സ് ഹൈസ്‌കൂള്‍ എന്‍.എസ്.എസ് യൂനിറ്റിന്റെ നേതൃത്വത്തില്‍ കവളങ്ങാട് പഞ്ചായത്തിലെ നെല്ലിമറ്റം മില്ലുംപടിയില്‍ ഒന്നാം വാര്‍ഡിലെ ദേശീയപാതയോരത്ത് ഉപയോഗശൂന്യമായി കിടന്നിരുന്ന 'വാരിയത്ത് ചിറ വൃത്തിയാക്കി.
ഗ്രാമ പഞ്ചായത്തും കുംടുംബശ്രീ പ്രവര്‍ത്തകരും ശുചീകരണ പ്രവര്‍ത്തനങ്ങളില്‍ പങ്കാളികളായി.
ശുചീകരണ പ്രവര്‍ത്തന ഉദ്ഘാടനം ഗ്രാമ പഞ്ചായത്ത് പ്രസിഡന്റ് ബീന ബെന്നി ഉദ്ഘാടനം ചെയ്തു. വാര്‍ഡ് മെമ്പര്‍  വര്‍ഗീസ് കൊന്നനാല്‍ അധ്യക്ഷനായി. വിവിധ സംഘടനാ ഭാരവാഹികളായ ബെന്നി പോള്‍, മനോജ് ഗോപി ,സ്‌കൂള്‍ മാനേജര്‍ ജയിംസ് വര്‍ഗ്ഗീസ്, കുടുംബശ്രീ ചെയര്‍പേഴ്‌സണ്‍, രശ്മി കൃഷ്ണകുമാര്‍ ,ബീന പോള്‍, എന്നിവര്‍ പ്രസംഗിച്ചു.
പ്രോഗ്രാം ഒഫിസര്‍ റെജി കെ.കെ സ്വാഗതവും എന്‍.എസ്.എസ് വാളന്റിയര്‍ ലീഡര്‍ ജോജു റ്റോബന്‍ നന്ദിയും പറഞ്ഞു. ജില്ലാ കലക്ടര്‍ മുഹമ്മദ്.വൈ.സഫീറുള്ള ,എം .എല്‍.എ ആന്റണി ജോണ്‍ എന്നിവര്‍ സന്ദര്‍ശിച്ച് ശുചീകരണ പ്രവര്‍ത്തനങ്ങള്‍ വിലയിരുത്തി.