ഊട്ടി: ഊട്ടിയില്‍ സീസണ്‍ ആരംഭിച്ചതോട വിനോദസഞ്ചാരികളുടെ വരവ് വര്‍ധിച്ചതിനാല്‍ ഊട്ടി-മേട്ടുപ്പാളയം ദേശീയപാതയില്‍ ഗതാഗതക്കുരുക്ക് ഒഴിവാക്കാന്‍ ചരക്കു ലോറികള്‍ക്ക് രാവിലെ ഏഴുമുതല്‍ രാത്രി ഒന്‍പതുവരെ നിയന്ത്രണം ഏര്‍പ്പെടുത്തി. ഊട്ടിയില്‍ നിന്ന് മേട്ടുപ്പാളയം ഭാഗത്തേക്ക് പോകുന്ന വാഹനങ്ങള്‍ കുന്നൂര്‍ വഴിയും, മേട്ടുപ്പാളയം ഭാഗത്തു നിന്ന് ഊട്ടിയിലേക്ക് വരുന്ന വാഹനങ്ങള്‍ കോത്തഗിരി വഴിയും വരണം. നിയന്ത്രണം ശനി, ഞായര്‍ ദിവസങ്ങളില്‍ മാത്രമാണെന്ന് അധികൃതര്‍ അറിയിച്ചു.