കട്ടിള വെപ്പ് നടന്നു
വടക്കാഞ്ചേരി: ജീവിത സായാഹ്നത്തില്‍ ഉറ്റവരുടേയും, ഉടയവരുടേയും സഹായമില്ലാതെ ഒറ്റപ്പെട്ടു പോയ എങ്കക്കാട് കിഴക്കേടത്ത് വീട്ടില്‍ രുഗ്മണിയമ്മക്ക് വടക്കാഞ്ചേരി നഗരസഭയുടെ നേതൃത്വത്തില്‍ സുരക്ഷിത ഭവനമൊരുക്കുന്നതിന്റെ ഭാഗമായി വീടിന്റെ കട്ടിള വെപ്പ് നടന്നു.
വടക്കാഞ്ചേരി നഗരസഭാ ചെയര്‍പേഴ്‌സണ്‍ ശിവപ്രിയ സന്തോഷ്, നഗരസഭ സ്ഥിരം സമിതി അധ്യക്ഷന്‍ എന്‍.കെ പ്രമോദ്കുമാര്‍, കൗണ്‍സിലര്‍മാരായ വി.പി മധു, സൈറാബാനു മുസ്തഫ, വടക്കാഞ്ചേരി ഗവ.ഹയര്‍ സെക്കന്‍ഡറി സ്‌കൂള്‍ നാഷണല്‍ സര്‍വിസ് സ്‌കീം കോഡിനേറ്റര്‍ വേണുഗോപാല്‍, സ്‌കൂളിലെ വിദ്യാര്‍ഥികള്‍ എന്നിവര്‍ പങ്കെടുത്തു. നാട്ടുകാരുടെയും വിദ്യാര്‍ഥികളുടെയും സഹായത്തോടെയാണ് രുഗ്മണിയമ്മക്ക് വീട് നിര്‍മിച്ച് നല്‍കുന്നത്.