ജയ്പൂര്‍: രാജസ്ഥാനില്‍ അവിശ്വാസ പ്രമേയ ഭീഷണി മുഴക്കിയ ബി.ജെ.പിക്ക് ഒരുമുഴം മുന്നേ എറിഞ്ഞ് ഗെലോട്ട്. ഇന്ന് നടക്കുന്ന നിയമസഭാ സമ്മേളനത്തില്‍ ഭൂരിപക്ഷം തെളിയിക്കാന്‍ വിശ്വാസ വോട്ടെടുപ്പിന് അനുമതി തേടുമെന്ന് കോണ്‍ഗ്രസ് വ്യക്തമാക്കി. ഇന്നലെ ചേര്‍ന്ന എം.എല്‍.എമാരുടെ യോഗത്തിലാണ് തീരുമാനം. മുഖ്യമന്ത്രി വ്ശ്വാസ വോട്ടെടുപ്പിന് അനുമതി തേടുകയാണെങ്കില്‍ മറ്റംഗങ്ങള്‍ അവതരിപ്പിക്കുന്ന അവിശ്വാസ പ്രമേയം അസാധുവാകും.

ഗെലോട്ടിന്റെ വസതിയില്‍ ചേര്‍ന്ന യോഗത്തില്‍ സച്ചിനും സംഘവും പങ്കെടുത്തിരുന്നു. മാസത്തിലേറെ നീണ്‍ പ്രതിസന്ധിക്കു ശേഷം മടങ്ങിയെത്തിയ സച്ചിനെ ഊഷ്മളമായാണ് ഗെലോട്ട് സ്വീകരിച്ചത്. എല്ലാം അടഞ്ഞ അധ്യായമാണെന്ന് വ്യക്തമാക്കുന്നതായിരുന്നു ഇരു നേതാക്കളുടേയും ആദ്യ കൂടിക്കാഴ്ച.