മൂന്നാര്‍: അന്‍പതിലേറെ മനുഷ്യരുടെ ജീവനപഹരിച്ച രാജമല പെട്ടിമുടിയില്‍ നിന്ന് ഒരു മൃതദേഹം കൂടി കണ്ടെടുത്തു. രണ്ടരവയസുകാരിയുടെ മൃതദേഹമാണ് കണ്ടെടുത്തത്. ഇതോടെ മരണം 56 ആയി.
15 പേര്‍ക്കായുള്ള തിരച്ചില്‍ തുടരുന്നതിനിടെയാണ് രണ്ടരവയസുകാരിയുടെ മൃതദേഹം കണ്ടെത്തിയത്്. ദുരന്തം നടന്നതിന്റെ എട്ടാം നാളിലും തിരച്ചില്‍ തുടരുകയാണ്. പെട്ടിമുടിയില്‍ ഇനി 14 പേരെയാണ്  കണ്ടെത്താനുള്ളത്.

കന്നിയാര്‍ കേന്ദ്രീകരിച്ചുള്ള തെരച്ചില്‍ ദൗത്യസംഘം ഇന്നും തുടരുന്നുണ്ട്. 55 മൃതദേഹങ്ങളാണ് പെട്ടിമുടിയില്‍ നിന്ന് ഇതുവരെ കണ്ടെടുത്തത്. ഇന്ന് കന്നിയാറില്‍ കൂടുതല്‍ തെരച്ചില്‍ നടത്തുകയാണ് ദൗത്യസംഘം. പുഴയില്‍ മണ്ണടിഞ്ഞ് നിരന്ന ഇടങ്ങളില്‍ ചെറിയ ഹിറ്റാച്ചി ഉപയോഗിച്ചാണ് പരിശോധന നടത്തുന്നത്.