കൊടും ചൂടില്‍ പൊതുജനത്തിന്റെ അശ്രദ്ധയിലും അല്ലാതെയും പുല്‍മേടുകളിലും വീടുകളിലും വ്യാപാര സ്ഥാപനങ്ങളിലും തീ കത്തിപടരുമ്പോള്‍ അഗ്നിശമന സേനാംഗങ്ങളുടെ നെഞ്ചിടിക്കും. തീ കെടുത്താന്‍ ആവശ്യത്തിനുള്ള വെള്ളം ജില്ലയിലെ അഗ്നിശമന സേനകള്‍ക്കു ലഭിക്കുന്നില്ല.
സ്വകാര്യ വ്യക്തികളുടെ കുളത്തില്‍ നിന്നും മറ്റും വെള്ളം ശേഖരിച്ചാണ് ഇപ്പോള്‍ സേന തീകെടുത്താനുള്ള വെള്ളം ശേഖരിക്കുന്നത്. നാട്ടിലെവിടെ നിന്നെങ്കിലും തീ കെടുത്താനുള്ള വിളി വന്നാല്‍ നെഞ്ച് കത്തുന്നത് അഗ്നിശമന സേനാംഗങ്ങള്‍ക്കാണ്. തീകെടുത്താന്‍ വെള്ളമില്ലെന്നു മാത്രമല്ല, നാട്ടുകാരുടെ പരിഭവങ്ങളും കേള്‍ക്കേണ്ട അവസ്ഥയുമ ുണ്ട്.