മട്ടന്നൂര്‍: പ്രസ് ഫോറത്തിന്റെ ആഭിമുഖ്യത്തില്‍ മാധ്യമ പ്രവര്‍ത്തകനായിരുന്ന നാസര്‍ മട്ടന്നൂര്‍ അനുസ്മരണം നടത്തി.
നഗരസഭാ ചെയര്‍മാന്‍ കെ. ഭാസ്‌കരന്‍ ഉദ്ഘാടനം ചെയ്തു. മട്ടന്നൂര്‍ സുരേന്ദ്രന്‍ അധ്യക്ഷനായി.
കണ്ണൂര്‍ പ്രസ്‌ക്ലബ് സെക്രട്ടറി എന്‍.പി.സി രഞ്ജിത്ത്, കെ.യു.ഡബ്ല്യു.ജെ സംസ്ഥാന കമ്മിറ്റിയംഗം എന്‍.ടി മന്‍സൂര്‍, വ്യവസായ പ്രമുഖന്‍ മണിയപ്പള്ളി അബൂട്ടി ഹാജി, എന്‍.വി ചന്ദ്രബാബു, വി.ആര്‍ ഭാസ്‌കരന്‍, അന്‍സാരി തില്ലങ്കേരി, സി.വി ശശീന്ദ്രന്‍, ശ്രീനി ആലക്കോട്, കെ.വി മധു, ജിജേഷ് ചാവശ്ശേരി സംസാരിച്ചു.
പ്രസ്‌ഫോറവും നാസര്‍ അനുസ്മരണ സമിതിയും ഏര്‍പ്പെടുത്തിയ സംസ്ഥാനത്തെ മികച്ച പ്രാദേശിക പത്രപ്രവര്‍ത്തക അവാര്‍ഡ് മാധ്യമം പത്തനാപുരം ലേഖകന്‍ അശ്വിന്‍ പഞ്ചാക്ഷരിക്കു കെ. ഭാസ്‌കരന്‍ സമ്മാനിച്ചു.