വാഷിങ്ടണ്‍: യു.എസ് പ്രസിഡന്റ് തെരഞ്ഞെടുപ്പില്‍ റിപ്പബ്ലിക്കന്‍ പാര്‍ട്ടിയുടെ  സ്ഥാനാര്‍ഥി ഡൊണാള്‍ഡ് ട്രംപിന്റെ ഭാര്യ മെലാനിയ  കോപ്പിയടി വിവാദത്തില്‍. പാര്‍ട്ടി നാഷനല്‍ കണ്‍വന്‍ഷനില്‍ സംസാരിക്കവെ 2008 ല്‍ പ്രഥമ വനിത ഭാര്യ മിഷേലിന്റെ വാക്കുകളാണ് ഇവര്‍ അതേപടി ആവര്‍ത്തിച്ചത്. തന്റെ ഭര്‍ത്താവ് അനുകമ്പയുള്ളയാളാണെന്നും രാജ്യത്തിനു വേണ്ടി പോരാടുമെന്നുമായിരുന്നു ഇവരുടെ വാക്കുകള്‍. എട്ടു വര്‍ഷം മുമ്പ് ഒബാമയുടെ തെരഞ്ഞെടുപ്പ് പ്രചാരണത്തിലാണ് ഈ വാക്കുകള്‍ മിഷേല്‍ ഒബാമ പറഞ്ഞത്.