പേരാമ്പ്ര: ഗ്രാമപഞ്ചായത്ത് പ്രസിഡന്റിനെയും ജില്ലാ ബ്ലോക്ക് പഞ്ചായത്ത് ജനപ്രതിനിധികളെയും അവഗണിച്ച നടപടിയില്‍ പ്രതിഷേധിച്ച് കടിയങ്ങാട് പാലം ഉദ്ഘാടന ചടങ്ങ് ബഹിഷ്‌കരിക്കാന്‍ ചങ്ങരോത്ത് പഞ്ചായത്ത് യു.ഡി.എഫ് കമ്മിറ്റി തീരുമാനിച്ചു. സംസ്ഥാന സര്‍ക്കാരിന്റെ ഫണ്ടുപയോഗിച്ച് നടത്തുന്ന പരിപാടി മാര്‍ക്‌സിസ്റ്റ് മേളയാക്കി മാറ്റിയത് പ്രതിഷേധാര്‍ഹമാണെന്ന് യോഗം അഭിപ്രായപ്പെട്ടു. ഇ.വി ശങ്കരന്‍ അധ്യക്ഷനായി. ആനേരി നസീര്‍, കെ.വി രാഘവന്‍, എസ്.പി കുഞ്ഞമ്മദ്, പാളയാട്ട് ബഷീര്‍, ഇ.ടി സരീഷ്, അസീസ് ഫൈസി, കെ.കെ ആയിഷ, എന്‍.പി വിജയന്‍, സൈറാബാനു, സൗഫി താഴെക്കണ്ടി, നിധീഷ് എന്‍.എസ്, എന്‍.കെ ഇബ്രാഹിം, എ.പി കുഞ്ഞിപോക്കര്‍ സംസാരിച്ചു.