കക്കട്ടില്‍: നരിപ്പറ്റ പഞ്ചായത്തിലെ അഞ്ചു വാര്‍ഡുകളിലൂടെ കടന്നുപോകുന്ന കണ്ടോത്ത് കുനി- താഴെ നരിപ്പറ്റ തോട് ശുചീകരണത്തിന്റെ ഒന്നാം ഘട്ടം പൂര്‍ത്തിയായി. പതിനൊന്നാം വാര്‍ഡിലെ പോളാണ്ടി താഴമുതല്‍ ചാത്തോത്ത് താഴ വരെയും പതിനഞ്ചാം വാര്‍ഡിലെ കല്ലിക്കു നി ഭാഗത്തും പതിമൂന്നാം വാര്‍ഡിലെ ചെറുകാവില്‍ താഴമുതല്‍ പുളിയുള്ളതില്‍ താഴ വരെയും പതിനാലാം വാര്‍ഡിലെ കത്രോല്‍ താഴെയുമാണ് ഒന്നാം ഘട്ടത്തില്‍ ശുചീകരിച്ചത്.
ശുചീകരണത്തിന് വാര്‍ഡ് അംഗങ്ങളായ പി. അരവിന്ദാക്ഷന്‍, പാലോല്‍ കുഞ്ഞമ്മദ്, എം.കെ സൗദ, വി.കെ ബീന, മുന്‍ പഞ്ചായത്ത് അംഗം എം. കുഞ്ഞിരാമന്‍, ചന്ദ്രോത്ത് വേണു, തോട് സംരക്ഷണ സമിതി ചെയര്‍മാന്‍ ടി. മുഹമ്മദലി, കുടുംബശ്രീ അംഗങ്ങള്‍, തൊഴിലുറപ്പ് തൊഴിലാളികള്‍, സാമൂഹ്യ വിഹാരകേന്ദ്രം ഗ്രന്ഥശാല യുവവേദി പ്രവര്‍ത്തകര്‍ നേതൃത്വം നല്‍കി.