ഡല്‍ഹി: ഡല്‍ഹി പിടിക്കാന്‍ അശ്വിനും കൂട്ടരുമെത്തുമ്പോള്‍ മൊഹാലിയില്‍ നേരിട്ട നാണംകെട്ട തോല്‍വിക്ക് അതേ നാണയത്തില്‍ കണക്കു തീര്‍ത്തുവിടാമെന്ന പ്രതീക്ഷയിലാണ് ഡല്‍ഹി കാപിറ്റല്‍സ്. ഒന്‍പതു മത്സരങ്ങളില്‍നിന്ന് 5 വീതം ജയവും നാലു വീതം പരാജയവുമായി പോയിന്റ് നിലയില്‍ ഇരു ടീമും തുല്യത പാലിക്കുന്നുണ്ടെങ്കിലും നെറ്റ് റണ്‍റേറ്റിന്റെ അടിസ്ഥാനത്തില്‍ കിങ്‌സിനു മുകളിലാണ് ഡല്‍ഹി. ഇന്നത്തെ മത്സരത്തില്‍ ഡല്‍ഹിയെ തോല്‍പിച്ച് പോയിന്റ് നിലയില്‍ മുന്നിലെത്താന്‍ പഞ്ചാബും പഞ്ചാബിനെ തോല്‍പിച്ച് മുന്നില്‍ തുടരാന്‍ ഡല്‍ഹിയും ഫിറോസ് ഷാ കോട്‌ലയില്‍ ഏറ്റുമുട്ടും. രാത്രി എട്ടിനാണ് മത്സരം.