ലണ്ടന്‍: വെയില്‍സ് മിഡ്ഫീല്‍ഡര്‍ ആരോണ്‍ റംസി ഇനി ആഴ്‌സനലിന് വേണ്ടി ബൂട്ടണിയില്ല. ഇന്നലെ യൂറോപ്പ ലീഗ് ക്വാര്‍ട്ടര്‍ ഫൈനലിനിടെ കാലിന്റെ മസിലിന് പരുക്കേറ്റ റംസി ആദ്യ പകുതിക്ക് മുന്‍പ് തന്നെ കളംവിട്ടിരുന്നു. ക്വാര്‍ട്ടര്‍ ഫൈനലില്‍ നാപോളിക്കെതിരേ 32ാം മിനുട്ടിലാണ് റംസിക്ക് പരുക്കേറ്റത്. സീസണ്‍ അവസാനിക്കാനിരിക്കെ പരുക്കേറ്റതിനാല്‍ ഇത് റംസിയുടെ ആഴ്‌സനലിലെ അവസാനത്തെ മത്സരമായിരിക്കുമെന്ന് പരിശീലകന്‍ ഉനായ് എമിറെ പറഞ്ഞു.

ഇറ്റാലിയന്‍ ക്ലബായ യുവന്റസ് ഫ്രീ ട്രാന്‍സ്ഫറിലൂടെ റംസിയെ സ്വന്തമാക്കിയിരുന്നു. നാലു വര്‍ഷത്തേക്കാണ് വെയില്‍സ് താരം യുവന്റസില്‍ കരാര്‍ ഒപ്പുവച്ചത്. അടുത്ത സീസണ്‍ ആരംഭം മുതല്‍ റംസി യുവന്റസിനൊപ്പം ചേരും.