തെഹ്‌റാന്‍: വെനസ്വേലയിലേക്ക് പെട്രോള്‍ കൊണ്ടുപോവുകയായിരുന്ന നാല് ഇറാനിയന്‍ കപ്പലുകള്‍ പിടികൂടി യു.എസ്. അമേരിക്കയുടെ ഉപരോധം നേരിടുന്നവയാണ് ഇരു രാജ്യങ്ങളും. അതേസമയം സൈനികബലം ഉപയോഗിച്ചല്ല കപ്പലുകള്‍ പിടികൂടിയതെന്നും ചരക്ക് കൈമാറിയില്ലെങ്കില്‍ യു.എസ് ഉപരോധം നേരിടേണ്ടിവരുമെന്ന് കപ്പലുടമയെയും കപ്പിത്താനെയും മറ്റും ഭീഷണിപ്പെടുത്തുകയായിരുന്നുവെന്നും മുതിര്‍ന്ന യു.എസ് വക്താവ് അറിയിച്ചു. അതേസമയം കപ്പലുകള്‍ പിടികൂടിയെന്ന വാര്‍ത്ത ഇറാന്‍ നിഷേധിച്ചു.