മുക്കം: സമാധാനം നിലനില്‍ക്കുന്ന പള്ളികളില്‍ മനഃപൂര്‍പ്പം പ്രശ്‌നങ്ങള്‍ സൃഷ്ടിച്ച് കാന്തപുരം വിഭാഗം വിശ്വാസികള്‍ക്കിടയില്‍ ചേരിതിരിവുകളുണ്ടാക്കുകയാണെന്ന് സമസ്ത കേന്ദ്ര മുശാവറാംഗം ഉമര്‍ ഫൈസി മുക്കം, എസ്.വൈ.എസ് സംസ്ഥാന സെക്രട്ടറിമാരായ മുസ്തഫ മാസ്റ്റര്‍ മുണ്ടുപാറ, നാസര്‍ ഫൈസി കൂടത്തായി എന്നിവര്‍ സംയുക്ത പ്രസ്താവനയില്‍ പറഞ്ഞു. സമാധാനപരമായി ആരാധനാലയങ്ങളെ നിലനിര്‍ത്താനുള്ള ശ്രമങ്ങള്‍ക്ക് വിഘാതം സൃഷ്ടിക്കുന്ന ഇക്കൂട്ടര്‍ സമുദായത്തിന് കനത്ത വെല്ലുവിളിയാണ് സൃഷ്ടിക്കുന്നതെന്നും ഭരണകൂടത്തിന്റെയും പൊലിസിന്റെയും സഹായത്തോടെ പള്ളികളെ അരക്ഷിതമാക്കാനുള്ള ഇത്തരക്കാരുടെ ശ്രമം ആപത്കരമാണെന്നും അവര്‍ കൂട്ടിച്ചേര്‍ത്തു.