തിരുവനന്തപുരം: സംസ്ഥാനത്ത് ആം ആദ്മി ഇടതു മുന്നണിയെ പിന്തുണക്കും.
ഡല്‍ഹിയില്‍ സിപിഎം - ആം ആദ്മി നേതാക്കള്‍ നടത്തിയ ചര്‍ച്ചയിലാണ് തീരുമാനമുണ്ടായത്.

അതേ സമയം ദേശീയ നേതൃത്വവുമായി ആലോചിക്കാതെ കോണ്‍ഗ്രസിന് അനുകൂലമായ നിലപാടെടുത്തതിന് ആം ആദ്മി പാര്‍ട്ടി സംസ്ഥാന കണ്‍വീനര്‍ സി.ആര്‍ നീലകണ്ഠനെ സസ്‌പെന്‍ഡ് ചെയ്തു. 13 മണ്ഡലങ്ങളില്‍ യുഡിഎഫിനും മലപ്പുറത്ത് എല്‍ഡിഎഫിനും പിന്തുണ നല്‍കുമെന്ന് കഴിഞ്ഞ ദിവസം സി.ആര്‍ നീലകണ്ഠന്‍ പ്രഖ്യാപിച്ചതിനെ തുടര്‍ന്നാണ് സസ്‌പെന്‍ഷന്‍.

എന്നാല്‍ കേന്ദ്ര നേതൃത്വത്തിന്റെ നടപടി അംഗീകരിക്കുന്നെന്ന് സി.ആര്‍ നീലകണ്ഠന്‍ വ്യക്തമാക്കി. എന്‍ഡിഎയെ തോല്‍പിക്കുന്നതിന് ആരെയും പിന്തുമക്കാമെന്നായിരുന്നു കേന്ദ്രനേതൃത്വത്തില്‍ നിന്ന് നിര്‍ദേശം ലഭിച്ചിരുന്നത്. എതെങ്കിലും ഒരുമുന്നണിയെ പിന്തുണക്കാന്‍ നിര്‍ദേശിച്ചിരുന്നില്ല. ഇനി എല്‍ഡിഎഫിനെ പിന്തുണക്കാനാണ് തീരുമാനമെന്നും സി.ആര്‍ നീലകണ്ഠന്‍ വ്യക്തമാക്കി