ഹവാന: ക്യൂബന്‍ സൈനിക വിമാനം തകര്‍ന്ന് എട്ടു സൈനികര്‍ മരിച്ചു. പടിഞ്ഞാറന്‍ പ്രവിശ്യയിലെ അര്‍ടെംസിയിലെ മലനിരകളില്‍ ശനിയാഴ്ചയാണ് അപകടമെന്ന് സര്‍ക്കാര്‍ വൃത്തങ്ങള്‍ അറിയിച്ചു. സോവിയേറ്റ് നിര്‍മിത എ.എന്‍-26 വിമാനമാണ് തകര്‍ന്നത്. ഹവാനക്ക് പുറത്ത് പലായ ബറാകോവ വിമാനത്താവളത്തില്‍ നിന്ന് രാവിലെ 6.40 ഓടെയാണ് വിമാനം പറന്നുയര്‍ന്നത്.
40 മൈല്‍ പറന്നശേഷം വിമാനം തകര്‍ന്നുവീണു. അനുകൂല കാലാവസ്ഥയായിരുന്നുവെന്നും സൈനിക വിഭാഗം അപകടത്തെ കുറിച്ച് അന്വേഷിക്കുമെന്നും സൈന്യം അറിയിച്ചു. സാങ്കേതിക തകരാറാണ് അപകട കാരണമെന്നാണ് പ്രാഥമിക നിഗമനം.