പാരിസ്: ഫ്രഞ്ച് താരം റിച്ചാര്‍ഡ് ഗാസ്‌ക്വെറ്റ് റിയോ ഒളിംപിക്‌സില്‍ നിന്നു പിന്‍മാറി. ഇടുപ്പിനേറ്റ പരുക്കിനെ തുടര്‍ന്നാണ് പിന്‍മാറ്റം. താരത്തിനു പകരം ബെനറ്റ് പെയറിനെ ടീമില്‍ ഉള്‍പ്പെടുത്തിയതായി ഫ്രാന്‍സ് ടെന്നീസ് ഫെഡറേഷന്‍ വ്യക്തമാക്കി. നേരത്തെ 2008ലെ ബെയ്ജിങ് ഒളിംപിക്‌സും താരത്തിന് നഷ്ടമായിരുന്നു. ലണ്ടന്‍ ഒളിംപിക്‌സില്‍ ജൂലിയന്‍ ബെനറ്റിനൊപ്പം ഡബിള്‍സില്‍ വെങ്കലം നേടാന്‍ ഗാസ്‌ക്വെറ്റിന് സാധിച്ചിരുന്നു.