ന്യൂഡല്‍ഹി: ഇ- വാണിജ്യ ഭീമന്‍ ആമസോണ്‍ രാജ്യത്ത് കൂടുതല്‍ നിക്ഷേപത്തിനൊരുങ്ങുന്നു. ഏഴ് പുതിയ ഗോഡൗണുകള്‍ തുറക്കുന്നതിനു പുറമെ 4000 ജീവനക്കാരെ കൂടി നിയമിക്കുന്നു.

യു.എസ് കേന്ദ്രമായി പ്രവര്‍ത്തിക്കുന്ന ആമസോണ്‍, ഇന്ത്യയില്‍ 5 ബില്യണ്‍ യു.എസ് ഡോളര്‍നിക്ഷേപിക്കാനാണ് പദ്ധതിയിടുന്നത്. ഇക്കൊല്ലം ജൂണ്‍ അവസാനിക്കുന്നതോടെ ലോകത്താകമാനം 41 പുതിയ ഗോഡൗണുകള്‍ ആരംഭിക്കാനാണ് പദ്ധതി.

തെലങ്കാന, ഹരിയാന, മഹാരാഷ്ട്ര, മധ്യപ്രദേശ്, ഉത്തര്‍പ്രദേശ്, ആന്ധ്രപ്രദേശ് എന്നിവിടങ്ങളിലാണ് പുതിയ ഗോഡൗണുകള്‍ തുടങ്ങുന്നത്. ഇവിടങ്ങളിലായി 4000 ജീവനക്കാരെ നിയമിക്കാനാണ് കമ്പനിയുടെ തീരുമാനം.