ആര്‍പ്പൂക്കര: മദ്യപാനിയായ യുവാവ് ഭാര്യയെ കുത്തിപരുക്കേല്‍പ്പിച്ചു. ഗുരുതരമായി പരുക്കേറ്റ ഇവരെ കോട്ടയം മെഡിക്കല്‍ കോളജില്‍ പ്രവേശിപ്പിച്ച് ശസ്ത്രക്രിയക്ക് വിധേയയാക്കി.  
മാന്നാനം ഉള്ളലപള്ളി ഷൈജുവിന്റെ ഭാര്യ റിനിമോള്‍ (36) ക്കാണ് കുത്തേറ്റത്. ഇന്നലെ വൈകീട്ട് ഏഴിന് വീട്ടിനുള്ളിലാണ് സംഭവം.  അമിതമായി മദ്യപിച്ചെത്തിയ ഷൈജു ഭാര്യയുമായി വഴക്കുണ്ടാക്കുകയും തുടര്‍ന്ന് കത്തിയെടുത്ത് നെഞ്ചില്‍ കുത്തുകയുമായിരുന്നു. കരച്ചില്‍കേട്ട് ഓടിയെത്തിട നാട്ടുകാര്‍ ഇവരെ മെഡിക്കല്‍ കോളജിലെത്തിച്ചു.  അഞ്ചു സെന്റീമീറ്റര്‍ ആഴത്തില്‍ മുറിവേറ്റതായി ഡോക്ടര്‍മാര്‍ പറഞ്ഞു. യുവാവിനെ ഗാന്ധിനഗര്‍  എസ്.ഐ ഷിബുവിന്റെ നേതൃത്വത്തില്‍ പിടികൂടി.