മാനന്തവാടി: കേരള കര്‍ണാടക അതിര്‍ത്തിയില്‍ മാവോയിസ്റ്റ് സാന്നിധ്യം കാരണം ആന്റി നക്‌സല്‍ സ്‌ക്വാഡ് സുരക്ഷ ശകതമാക്കി.
മാവോയിസ്റ്റ് സംഘം എത്തിയെന്ന വിവരത്തെ തുടര്‍ന്നാണ് കഴിഞ്ഞ ദിവസം കര്‍ണാടക ആന്റി നകസല്‍ ഫോഴ്‌സ് പരിശോധന കര്‍ശനമാക്കിയത്. കുടക് കാപ്പിതോട്ടങ്ങളിലും കേരള അതിര്‍ത്തി പങ്കിടുന്ന വന മേഘലകളിലും തിരച്ചില്‍ തുടരുകയാണ്.
നക്‌സല്‍ ഫോഴ്‌സിന്റെ എട്ട് ടീം അംഗങ്ങളാണ് തിരച്ചിലില്‍ പങ്കെടുക്കുന്നത്. തിരുനെല്ലി പക്ഷി പാതാള മലനിരകളിലും പരിശോധന തുടരുന്നുണ്ട്. 23ന് തെരഞ്ഞെടുപ്പ് നടക്കാനിരിക്കേ തോല്‍പെട്ടി കുട്ടം അതിര്‍ത്തിയില്‍ പ്രത്യേകസംഘം ക്യാംപ് ചെയ്യുന്നുണ്ട്. അടുത്തിടെ തിരുനെല്ലിയില്‍ മാവോയിസ്റ്റുകള്‍ എത്തിയ സാഹചര്യത്തില്‍ തിരുനെല്ലി മേഘലകളിലും തണ്ടര്‍ബോള്‍ട്ടും പൊലിസും നിരീക്ഷണം ഏര്‍പെടുത്തിയിട്ടുണ്ട്.