കൊച്ചി: കുട്ടികളെ പീഡിപ്പിച്ച കേസുകളിലെ പ്രതികള്‍ കുറ്റവാളികളാണെന്ന നിഗമനത്തില്‍ കേസ് കൈകാര്യം ചെയ്യണമെന്ന പോക്‌സോ നിയമത്തിലെ വ്യവസ്ഥ റദ്ദാക്കാന്‍ ഹൈക്കോടതിയില്‍ ഹരജി. പോക്‌സോ നിയമത്തിലെ 29, 30 വകുപ്പുകള്‍ റദ്ദാക്കണമെന്നാണു ഹരജിയിലെ പ്രധാന ആവശ്യം.
കുട്ടികളെ പീഡിപ്പിച്ച കേസിലെ പ്രതികള്‍ കുറ്റം ചെയ്‌തെന്ന നിഗമനത്തില്‍ തന്നെ സ്‌പെഷല്‍ കോടതികള്‍ കേസ് പരിഗണിക്കണമെന്നാണ് 29 ാം വകുപ്പില്‍ പറയുന്നത്. വിചാരണയിലൂടെ കുറ്റം തെളിയിക്കുന്നതുവരെ പ്രതിയെ കുറ്റവാളിയായി കാണരുതെന്ന വ്യവസ്ഥക്ക് വിരുദ്ധമാണിതെന്നു ഹരജിയില്‍ പറയുന്നു.