പെര്‍മുദെ: പെര്‍മുദെ പെരിയടുക്ക ജംങ്ഷനില്‍ കാറും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രക്കാരായ രണ്ടുപേര്‍ക്ക് പരുക്കേറ്റു.
പെര്‍മുദെ കോളാര്‍ സ്വദേശിയും ചെട്ടുംകുഴിയിലെ ഓട്ടോ മൊബൈല്‍ സ്ഥാപനത്തില്‍ മെക്കാനിക്കുമായ പ്രഭാകര റൈ(38), ജ്യേഷ്ഠന്റെ മകളും ധര്‍മ്മത്തടുക്ക സ്‌കൂളില്‍ പത്താംക്ലാസ് വിദ്യാര്‍ഥിനിയുമായ തേജശ്രീ (16) എന്നിവര്‍ക്കാണ് പരുക്കേറ്റത്. ഇരുവരെയും കുമ്പളയിലെ ജില്ലാ ആശുപത്രിയില്‍ പ്രവേശിപ്പിച്ചു.
ഇന്നലെ രാവിലെയായിരുന്നു അപകടം. ഇവര്‍ സഞ്ചരിച്ച സ്‌കൂട്ടറില്‍ കര്‍ണ്ണാടക രജിസ്‌ട്രേഷനിലുള്ള ടാക്‌സി കാര്‍ ഇടിക്കുകയായിരുന്നു. കാര്‍ നിര്‍ത്താതെ പോയി. കുമ്പള പൊലിസ് അന്വേഷണം തുടങ്ങി.