എടക്കര: ഫാസിസ്റ്റ് പ്രത്യയശാസ്ത്രത്തെ ചെറുക്കാന്‍ കോണ്‍ഗ്രസിന്റെ കൈയില്‍ ആയുധമില്ലെന്നും മോദിയുടെ മുഖ്യ എതിരാളിയെന്ന് സ്വയം വിശേഷിപ്പിക്കുന്ന രാഹുല്‍ ഗാന്ധിയുടെ മുഖമുദ്ര ഇരട്ടത്താപ്പാണെന്നും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. വയനാട് പാര്‍ലമെന്റ് മണ്ഡലം എല്‍.ഡി.എഫ് സ്ഥാനാര്‍ഥി പി.പി സുനീറിന്റെ തെരഞ്ഞെടുപ്പ് പ്രചരണാര്‍ഥം എടക്കരയില്‍ സംഘടിപ്പിച്ച എല്‍.ഡി.എഫ് റാലിയില്‍ സംസാരിക്കുകയായിരുന്നു അദ്ദേഹം.
യോഗത്തില്‍ സി.പി.എം സംസ്ഥാന കമ്മിറ്റിയംഗം പി.കെ സൈനബ അധ്യക്ഷയായി. മന്ത്രി കെ.കെ ഷൈലജ, സി.കെ ശശീന്ദ്രന്‍ എം.എല്‍.എ, സി.പി.ഐ നാഷനല്‍ കൗണ്‍സില്‍ അംഗം സത്യന്‍ മൊകേരി, സി.പി.എം ജില്ലാ സെക്രട്ടറി ഇ.എന്‍ മോഹന്‍ ദാസ്, സി.ഐ.ടി.യു സംസ്ഥാന വൈസ് പ്രസിഡന്റ് ജോര്‍ജ് കെ. ആന്റണി, വിധ കക്ഷി നേതാക്കളായ പി.കെ കൃഷ്ണദാസ്, കെ.പി പീറ്റര്‍, ടി.പി ജോര്‍ജ്, ടി. രവീന്ദ്രന്‍, എം.ആര്‍ ജയചന്ദ്രന്‍, എം.എ വിറ്റാജ്, സാബു പൊന്‍മേലില്‍, പി മോഹനന്‍, ഇസ്മാഈല്‍ എരഞ്ഞിക്കല്‍, കോയാമു, ഇ.എ സുകു, സി.ടി രാധാമണി, കെ. മനോജ്, എം. ഉമ്മര്‍ സംസാരിച്ചു.