കുന്നുംകൈ: യു.ഡി.എഫ് സ്ഥാനാര്‍ഥി രാജ്‌മോഹന്‍ ഉണ്ണിണ്ടത്തണ്ടാണ്ടണ്ടണ്ടന്‍ ഇന്നലെ മലയോരമേഖലയില്‍ പര്യടനം നടത്തി. രാവിലെ ഈസ്റ്റ് എളേരി പഞ്ചായത്തിലെ കമ്പല്ലൂര്‍, തയ്യേനി, പാലാവയലില്‍ എന്നിവിടങ്ങളിലെ സ്വീകരണങ്ങള്‍ക്കുശേഷം വെസ്റ്റ് എളേരിയില്‍ പ്രവേശിച്ചശേഷം പുങ്ങംചാല്‍ ടൗണില്‍ വ്യാപാര സ്ഥാപനങ്ങളിലും ദേവാലയങ്ങളിലും സ്ഥാനാര്‍ഥി വോട്ട് അഭ്യര്‍ഥിച്ചു. തുടര്‍ന്ന് നര്‍ക്കിലക്കാട് ബസ് സ്റ്റാന്‍ഡില്‍ എത്തിയ സ്ഥാനാര്‍ഥി ഓട്ടോ തൊഴിലാളികളോടും വോട്ട് അഭ്യര്‍ഥിച്ചു. ഭീമനടിയില്‍ എത്തിയ സ്ഥാനാര്‍ഥിക്ക് പ്രവര്‍ത്തകര്‍ സ്വീകരണം നല്‍കി. അതിനുശേഷം കുന്നുംകൈ ഈസ്റ്റ് മഖാം സന്ദര്‍ശനം നടത്തി. മൗക്കൊട്, അരിയങ്കല്ല് മുസ്‌ലിം പള്ളി, ബെടൂര്‍ ദേവാലയം എന്നിവിടങ്ങളില്‍ സ്ഥാനാര്‍ഥി സന്ദര്‍ശനം നടത്തി. സ്ഥാനാര്‍ഥിയെ അനുഗമിച്ചുകൊണ്ട് വെസ്റ്റ് എളേരി പഞ്ചായത്ത് യൂത്ത് ലീഗ് കമ്മിറ്റി ബൈക്ക് റാലിയും സംഘടിപ്പിച്ചു. അരിയങ്കല്ലില്‍നിന്ന് തുടങ്ങിയ റാലി കുന്നുംകൈയില്‍ സമാപിച്ചു. ഇഖ്ബാല്‍ പെരുമ്പട്ട, നൗഷാദ് കാക്കടവ്, സാദിഖ് ഓട്ടപ്പടവ് എന്നിവര്‍ നേതൃത്വം നല്‍കി.
വിവിധ സ്ഥലങ്ങളിലെ സ്വീകരണ യോഗത്തില്‍ കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത്, ജില്ലാ പ്രസിഡന്റ് നോയല്‍ ടോമിന്‍ ജോസഫ്, എ.സി ജോസ്, ജോയികിഴക്കരക്കാട്ട്, ജാതിയില്‍ അസിനാര്‍, പി.സി ഇസ്മയില്‍, എന്‍.പി അബ്ദുല്‍ റഹ്മാന്‍, എ.വി അബ്ദുള്‍ഖാദര്‍ സംബന്ധിച്ചു.
എല്‍.ഡി.എഫ് സ്ഥാനാര്‍ഥി സതീഷ് ചന്ദ്രന്‍ കാസര്‍കോട് മണ്ഡലത്തിലെ വിവിധപ്രദേശങ്ങളില്‍ പര്യടനം നടത്തി.വിവിധ സ്ഥാപനമേധാവികളോടും അന്തേവാസികളോടും വോട്ടഭ്യര്‍ഥിച്ച സതീഷ് ചന്ദ്രന്‍ വോട്ടര്‍മാരുടെ പിന്തുണ തേടി വീടുകളിലുമെത്തി. മൊഗ്രാല്‍പുത്തൂര്‍ കോട്ടക്കുന്നിലെ മര്‍ക്കസ്, കാസര്‍കോട് കോട്ടക്കണ്ണി ചര്‍ച്ച്, കൊല്ലങ്കാന ചര്‍ച്ച് എന്നിവിടം സന്ദര്‍ശിച്ചു.
പാടി വയനാട്ടുകുലവന്‍ കൂവം അളക്കല്‍ ചടങ്ങിനെത്തിയവരെ കണ്ടു. സി.പി. എം സംസ്ഥാന കമ്മിറ്റി അംഗം സി.എച്ച് കുഞ്ഞമ്പു, കെ.എ മുഹമ്മദ് ഹനീഫ എന്നിവര്‍ സ്ഥാനാര്‍ഥിക്കൊപ്പം ഉണ്ടായിരുന്നു. എന്‍.ഡി.എ സ്ഥാനാര്‍ഥി രവീഷ് തന്ത്രി പയ്യന്നൂര്‍ മണ്ഡലത്തിലെ വിവിധ ഭാഗങ്ങളില്‍ പര്യടനം നടത്തി. പ്രചാരണത്തിന്റെ ഭാഗമായി പയ്യന്നൂര്‍ നഗരത്തില്‍ റോഡ് ഷോ നടത്തി. സിനിമാ സംവിധായകന്‍ അലി അക്ബര്‍ പര്യടനം ഉദ്ഘാടനം ചെയ്തു. തുടര്‍ന്ന് കരിവെള്ളൂര്‍, വെള്ളൂര്‍, ഓണക്കുന്ന്, കാംങ്കോല്‍, കുണ്ടയം കൊവ്വല്‍, മാത്തില്‍, ആലക്കോട്, കോറോം, അന്നൂര്‍ അമ്പലം, ആണൂര്‍ ശാന്തിഗ്രാമം, കൊത്തായിമുക്ക്, പെരുമ്പ, പുതിയ ബസ് സ്റ്റാന്‍ഡ്, മഹാദേവ ഗ്രാമം, കണ്ടങ്കാളി തുടങ്ങിയ കേന്ദ്രങ്ങളിലെ സ്വീകരണത്തിനുശേഷം കക്കാംപാറയില്‍ പര്യടനം സമാപിച്ചു.
മണ്ഡലം പ്രസിഡന്റ് രമേശന്‍ മാസ്റ്റര്‍, സംസ്ഥാന കൗണ്‍സില്‍ അംഗങ്ങളായ എ.കെ രാജഗോപാലന്‍, പ്രഭാകരന്‍ കടന്നപ്പള്ളി, എം.വി രവീന്ദ്രന്‍, കണ്ണൂര്‍ ജില്ലാ കമ്മറ്റി അംഗം എം.സരോജിനി എന്നിവരും സ്ഥാനാര്‍ഥിയെ അനുഗമിച്ചു.