അരൂര്‍: നാരങ്ങ കയറ്റിയ മിനി ലോറി മരത്തിലിടിച്ച് രണ്ട പേര്‍ക്ക് പരുക്ക്.
ഇവരെ എറണാകുളം മെഡിക്കല്‍ ട്രസ്റ്റ് ആശുപത്രിയിലെ അത്യാഹിത വിഭാഗത്തില്‍ പ്രവേശിപ്പിച്ചു.തമിഴ്‌നാട് സ്വദേശികയായ ഡ്രൈവര്‍ കുമാര്‍(30),ക്ലീനര്‍ ആനന്ദ് (27) എന്നിവര്‍ക്കാണ് പരുക്കേറ്റത്. തമിഴ്‌നാട്ടില്‍നിന്ന് നാരങ്ങ കയറ്റി എറണാകുളത്തേക്ക് പോകുകയായിരുന്നു ലോറി.
അരൂര്‍ കെല്‍ട്രോണ്‍ കവലക്ക് തെക്കുഭാഗത്ത് ചൊവ്വാഴ്ച പുലര്‍ച്ചെ രണ്ടരയോടെയാണ് അപകടം നടന്നത്. ഇടിയുടെ ആഘാതത്തില്‍ ലോറിയുടെ ചരക്കു കയറ്റുന്ന പെട്ടി മാത്രം ഒരു വശത്തേക്ക് മറിയുകയും മുന്‍ഭാഗം സമീപത്തെ മരത്തിലിടിക്കുകയും ചെയ്തു.മിനി ലോറിയുടെ മുന്‍ഭാഗം പൂര്‍ണ്ണമായും തകര്‍ന്നു.ഒരു മാസത്തിന് മുന്‍പ്  ഈ മരത്തില്‍ മറ്റൊരു തടി ലോറിയിടിച്ച്  അപകടം നടന്നിരുന്നു.