ഇരവിപുരം: ഐ.എന്‍.ടി.യു.സി ഇരവിപുരം റീജിയനല്‍ കമ്മിറ്റിയുടെ ആഭിമുഖ്യത്തില്‍ മെയ് ദിനം ആചരിച്ചു. തുല്യ തൊഴിലിന് തുല്യ വേതനം നല്‍കണമെന്ന സുപ്രധാന സുപ്രിം കോടതി വിധി നടപ്പിലാക്കണമെന്ന് പതാക ഉയര്‍ത്തിക്കൊണ്ട് ഐ.എന്‍.ടി.യു.സി സംസ്ഥാന വൈസ് പ്രസിഡന്റ് വടക്കേവിള ശശി ആവശ്യപ്പെട്ടു.
തുടര്‍ന്ന് മാടന്‍ നടയില്‍നിന്നും പള്ളിമുക്കിലേക്ക് റീജിയനല്‍ പ്രസിഡന്റ് ഒ.ബി രാജേഷിന്റെ നേതൃത്വത്തില്‍ മെയ്ദിന റാലി നടത്തി. തുടര്‍ന്നു നടന്ന സമ്മേളനം ഐ.എന്‍.ടി.യു.സി കൊല്ലം ജില്ലാ വൈസ് പ്രസിഡന്റ് ജി. ജയപ്രകാശ് ഉദ്ഘാടനം ചെയ്തു. റീജിയനല്‍ പ്രസിഡന്റ് ഒ.ബി രാജേഷ് അധ്യക്ഷനായി ജില്ലാ വൈസ് പ്രസിഡന്റ് ശ്രീകുമാരി ആര്‍.ചന്ദ്രന്‍, ജില്ലാ സെക്രട്ടറി എ.എം.അന്‍സാരി, സാദത്ത് ഹബീബ്, പള്ളിമുക്ക് എച്ച്. താജുദീന്‍, പൊന്നമ്മ മഹേശ്വരന്‍, കെ.ജി. വാസുദേവന്‍ നായര്‍, ഇ.കെ. കലാം, കിളികൊല്ലൂര്‍ തുളസി, എം.എച്ച്. സനോഫര്‍, ജഹാംഗീര്‍, മുനീര്‍ ബാനു, അയത്തില്‍ ശ്രീകുമാര്‍, കോയിക്കല്‍ രാജേഷ്, സുധീര്‍ കൂട്ടുവിള, ഗോപാലകൃഷ്ണന്‍, ഷണ്‍മുഖസുന്ദരം, എ.കെ. താജുദീന്‍, സോമന്‍, സുലഭ സംസാരിച്ചു.
ചവറ: തൊഴിലാളികളുടെ അവകാശസമരത്തിന്റെ ചരിത്ര സ്മരണയില്‍ നടന്ന മെയ്ദിനം ആവേശമായി.
സി.ഐ.ടി.യു, എ.ഐ.ടി.യു.സി യൂനിയനുകള്‍ സംയുക്തമായി ചവറയില്‍ തൊഴിലാളി റാലി നടത്തി. നല്ലേഴുത്ത് ജങ്ഷനില്‍നിന്നും ആരംഭിച്ച റാലി ചവറയില്‍ സമാപിച്ചു. വിവിധ മേഖലകളില്‍ പണിയെടുക്കുന്ന നിരവധി തൊഴിലാളികള്‍ റാലിയില്‍ അണിചേര്‍ന്നു. സി.പി.എം കൊല്ലം ജില്ലാ സെക്രട്ടറി കെ.എന്‍ ബാലഗോപാല്‍ ഉദ്ഘാടനം ചെയ്തു. ടി. മനോഹരന്‍ അധ്യക്ഷനായി. ജി. മുരളീധരന്‍, ആര്‍. രവീന്ദ്രന്‍, ഐ. ഷിഹാബ്, പി.ജി. കൃഷ്ണന്‍, തങ്കമണി പിള്ള, ഷാജി എസ്. പള്ളിപ്പാടന്‍, ശശിവര്‍ണന്‍ സംസാരിച്ചു.
യു.ടി.യു.സി ചവറ മണ്ഡലം കമ്മിറ്റിയുടെ നേതൃത്വത്തില്‍ ചവറയില്‍നിന്നും ആരംഭിച്ച റാലി തട്ടാശേരിയില്‍ സമാപിച്ചു. നാരായണപിള്ള, എ.എം സാലി, സി.പി സുധീഷ് കുമാര്‍, സി. ഉണ്ണികൃഷ്ണന്‍, എസ്. ലാലു, എസ്. ശോഭ, മീനാകുമാരി, മുംതാസ് എന്നിവര്‍ നേതൃത്വം നല്‍കി. ഐ.എന്‍.ടി.യു.സി ചവറ റീജിയനല്‍ കമ്മിറ്റിയുടെ നേതൃത്വത്തില്‍ മെയ് ദിന റാലിയും അനുമോദനവും നടന്നു. തൊഴിലുറപ്പ് തൊഴിലാളികളുടെ നേതൃത്വത്തില്‍ മഠത്തില്‍ ജങ്ഷനില്‍നിന്നും ആരംഭിച്ച റാലി നടക്കാവില്‍ സമാപിച്ചു.
 കെ.പി.സി.സി വൈസ് പ്രസിഡന്റ് ഭാരതിപുരം ശശി ഉദ്ഘാടനം ചെയ്തു. മികച്ച തൊഴിലാളികളെ എന്‍. അഴകേശന്‍ ആദരിച്ചു. തൊഴിലാളികള്‍ക്കുള്ള തിരിച്ചറിയല്‍ കാര്‍ഡുകള്‍ ഇ. യൂസുഫ്കുഞ്ഞ് വിതരണം ചെയ്തു.
തങ്കച്ചി പ്രഭാകരന്‍ മെയ് ദിന സന്ദേശം നല്‍കി. ജോസ് വിമല്‍രാജ് അധ്യക്ഷനായി.  കോലത്ത് വേണുഗോപാല്‍, സി.കെ അനിയന്‍കുമാര്‍, സന്തോഷ് തുപ്പാശേരില്‍, വൈ. വിന്‍സന്റ്, കെ.ആര്‍.രവി, ദിലിപ് കൊട്ടാരം സംസാരിച്ചു.