നെന്മാറ: തെരഞ്ഞെടുപ്പ് കൊഴുപ്പിക്കാന്‍ നെല്ലിയാമ്പതിയിലേക്ക് പരിശോധനകളില്ലാതെ മദ്യമൊഴുകുന്നു. തോട്ടം തൊഴിലാളികളെ രാഷ്ട്രീയക്കാരുടെ വരുതിയിലാക്കാന്‍ വനംവകുപ്പിന്റെ ഒത്താശയോടെയാണ് മദ്യം ഒഴുകുന്നതെന്നും ആരോപണമുണ്ട്. ചെറുതും, വലുതുമായി അന്‍പതോളം തേയില, കാപ്പി തോട്ടങ്ങളിലെയും കമ്പനികളിലെയും തൊഴിലാളികളെ ലക്ഷ്യംവച്ച് നെല്ലിയാമ്പതിയിലെ സ്വകാര്യ ഉടമകളുടെ വാടക ജീപ്പിലും ബസുകളിലും ഇരുചക്ര വാഹനങ്ങളിലുമായി ദിനംപ്രതി നൂറുകണക്കിന് ലിറ്റര്‍ മദ്യമാണ് എത്തുന്നതെന്നും ആരോപണമുണ്ട്.
വേനലവധിയായതിനാല്‍ വിനോദസഞ്ചാരികളെ സന്തോഷിപ്പിക്കാന്‍ റിസോര്‍ട്ട് ലോബിയുടെ വാഹനങ്ങളിലും പോത്തുണ്ടി വനംവകുപ്പ് പരിശോധനയില്‍ കണ്ണടച്ച് വിടുന്നതായാണ് പറയപ്പെടുന്നത്. മദ്യത്തിനുപുറമെ കഞ്ചാവുള്‍പ്പടെയുള്ള പലതരം ലഹരികളുമായാണ് ചിലര്‍ എത്തുന്നതെന്നും നാട്ടുകാര്‍ പറഞ്ഞു.