കോഴിക്കോട്: ഗോകുലം കേരള എഫ്.സി പുതിയ പരിശീലകനെ നിയമിച്ചു. ഇറ്റാലിയന്‍ പരിശീലകനായ വിന്‍സെന്‍സോ ആല്‍ബര്‍ട്ടെ അസൈ ആണ് ഗോകുലം കേരളയുമായി കരാര്‍ ഒപ്പുവച്ചത്.
മുന്‍ പരിശീലകനായ സാന്റിയാഗോ വരേല സ്ഥാനം ഒഴിയുന്നതായി കഴിഞ്ഞ ദിവസം ക്ലബ് പ്രഖ്യാപിച്ചിരുന്നു. 35കാരനായ പരിശീലകന്‍ ആദ്യമായാണ് ഇന്ത്യയിലെത്തുന്നത്. കഴിഞ്ഞ വര്‍ഷം കരീബിയന്‍ രാജ്യമായ ബെലീസ് ടീമിന്റെ പരിശീലകനായിരുന്നു വിന്‍സെന്‍സോ. ഗോകുലം ഇദ്ദേഹത്തിന്റെ കരിയറിലെ 11ാം ക്ലബാണ്. 2010ല്‍ ഇറ്റാലിയന്‍ ക്ലബായ ഫീഡലിയസ് ആന്‍ഡ്രിയയെ പരിശീലിപ്പിച്ചായിരുന്നു വിന്‍സെന്‍സോ കരിയര്‍ ആരംഭിച്ചത്. പിന്നീട് എസ്റ്റോണിയ, ലാത്വിയ, ഫലസ്തീന്‍ എന്നീ രാജ്യങ്ങളില്‍ വിന്‍സെന്‍സോ പരിശീലകനായി പ്രവര്‍ത്തിച്ചു. അര്‍മേനിയന്‍ അണ്ട@ര്‍ 19 ടീമിന്റെ പരിശീലക വേഷത്തിലും ഇദ്ദേഹം പ്രവര്‍ത്തിച്ചു. കോച്ചിങ് തിരഞ്ഞെടുക്കുത് മുമ്പ് വിന്‍സെന്‍സോ ഇറ്റാലിയന്‍ ഫസ്റ്റ് ഡിവിഷന്‍ ക്ലബായ വെനെസിയ എഫ്.സിയുടെ താരമായിരിന്നു. ഇറ്റാലിയന്‍ തേര്‍ഡ് ഡിവിഷന്‍ ക്ലബ്ബായ ആന്‍ഡ്രിയ ബാറ്റ്‌യങ് എ ക്ലബ്ബിലും കളിച്ചു. 'ഗോകുലത്തിന്റെ പരിശീലകനായി നിയമിച്ചതില്‍ അതിയായ സന്തോഷമുണ്ട@്. കഴിഞ്ഞ സീസണില്‍ ക്ലബ് നല്ല ഫുട്‌ബോളാണ് കാഴ്ചവെച്ചത്. ഈ വര്‍ഷം ഐ ലീഗ് നേടുകയാണ് പ്രധാന ലക്ഷ്യം വിന്‍സെന്‍സോ പറഞ്ഞു.