തിരൂര്‍: കേരള പ്രീമിയര്‍ ലീഗ് ഫുട്‌ബോള്‍ മത്സരത്തില്‍ സാറ്റ് തിരൂര്‍ ഏകപക്ഷീയമായ രണ്ട് ഗോളുകള്‍ക്ക് കേരള പൊലിസിനെ തോല്‍പ്പിച്ചു. കളിയുടെ 75-ാം മിനുറ്റിലും 94-ാം മിനുറ്റിലും ഷഹിദ് നേടിയ രണ്ട് ഗോളുകളാണ് സാറ്റിന് വിജയമൊരുക്കിയത്. ഹോം ഗ്രൗണ്ടില്‍ സാറ്റ് നേടിയ തുടര്‍ച്ചയായ മുന്നാംവിജയത്തോടെ ഗ്രൂപ്പില്‍ പത്ത് പോയിന്റുമായി സാറ്റ് തിരൂര്‍ ഒന്നാമതെത്തി. മുന്‍ ഇന്ത്യന്‍ ഫുട്‌ബോള്‍ പ്ലയറും പൊലിസ് കമാന്റന്റുമായ യു. ഷറഫലി അതിഥിയായി. മെയ് 10ന് മലപ്പുറത്ത് ഫ്‌ളഡ് ലൈറ്റില്‍ നടക്കുന്ന അടുത്ത മത്സരത്തില്‍ സാറ്റ് തിരൂര്‍ കേരള പൊലിസുമായി ഏറ്റുമുട്ടും.