കൊല്ലം: കടയ്ക്കലില്‍ ഒന്‍പതുകാരിയെ ലൈംഗികമായി പീഡിപ്പിച്ച കേസില്‍ അയല്‍വാസിയായ 60കാരന്‍ അറസ്റ്റില്‍. കടക്കല്‍ സ്വദേശിയായ ചെല്ലപ്പനെയാണ് പൊലിസ് അറസ്റ്റ് ചെയ്തത്. പോക്‌സോ പ്രകാരം കേസെടുത്ത ചെല്ലപ്പനെ കോടതിയില്‍ ഹാജരാക്കി റിമാന്‍ഡ് ചെയ്തു. മഴ പെയ്താല്‍ ചോരുന്ന വീടായതിനാല്‍ കുറച്ചുനാളുകളായി പെണ്‍കുട്ടിയും അമ്മയും മൂന്നരവയസുകാരിയായ സഹോദരിയും ചെല്ലപ്പന്റെ വീട്ടിലായിരുന്നു രാത്രിയില്‍ താമസിച്ചിരുന്നത്. ഉറങ്ങിക്കിടക്കുന്ന കുട്ടിയെ രാത്രിയില്‍ എടുത്തുകൊണ്ടുപോയാണ് പീഡനത്തിന് ഇരയാക്കിയിരുന്നത്.

പീഡനം തുടര്‍ച്ചയായപ്പോഴാണ് കുട്ടി അയല്‍വാസികളോടും ബന്ധുക്കളോടും വിവരം പറയുന്നത്. സംഭവം പുറത്തുപറഞ്ഞാല്‍ കൊല്ലുമെന്ന് ഇയാള്‍ പെണ്‍കുട്ടിയെ ഭീഷണിപ്പെടുത്തിയിരുന്നതായും പൊലിസ് പറഞ്ഞു. സ്ഥലത്തെ അങ്കണവാടി അധ്യാപിക മുഖേനയാണ് പീഡനവിവരം ചൈല്‍ഡ് ലൈനില്‍ അറിയിച്ചത്.