മഞ്ചേരി: വല്ലാഞ്ചിറ കോളനിയില്‍ വെള്ളമെടുക്കാനെത്തിയ ടാങ്കര്‍ ലോറികള്‍ തടഞ്ഞു. പ്രദേശത്തുനിന്നു വെള്ളം ഊറ്റികൊണ്ടുപോവുന്നത് സംബന്ധിച്ച് ആക്ഷന്‍കമ്മറ്റി പ്രവര്‍ത്തകര്‍ മഞ്ചേരി എസ്.ഐയുടെ സാനിധ്യത്തില്‍ ഉണ്ടാക്കിയ വ്യവസ്ഥകള്‍ ലംഘിച്ചുവെന്നുകാണിച്ചാണ് കോളനിവാസികളും സമരസമിതിയും ടാങ്കര്‍ ലോറികള്‍ തടഞ്ഞത്.
തുടര്‍ന്ന് പൊലിസെത്തി വാര്‍ഡ് കൗണ്‍സിലര്‍ കെ.കെ.ബി മുഹമ്മദലിയുടെ സാനിധ്യത്തില്‍ ടാങ്കറുകള്‍ പൊലിസ് കസ്റ്റഡിയിലെടുത്തു.
മുജീബ് റഹ്മാന്‍, എടപ്പറ്റ അഷ്‌റഫ്, സാലിന്‍ വല്ലാഞ്ചിറ, അഷ്‌റഫ് കരിപ്പാലി, കെ.പ്രതീഷ്, ബിജു നേതൃത്വം നല്‍കി.