വഴിക്കടവ്: വില്‍പനക്കായി സൂക്ഷിച്ചിരുന്ന 23.25 ലിറ്റര്‍ വിദേശമദ്യം പൊലിസ് പിടികൂടി. മരുത നടുമണ്ണില്‍ ചന്ദ്ര(42) നെയാണ് അറസ്റ്റ് ചെയ്തത്. 750 മില്ലിയുടെ 31 ബോട്ടിലുകളിലായുള്ള മദ്യമാണ് പിടികൂടിയത്. എസ്.ഐ വിജയരാജന്‍, എസ്.സി.പി.ഒ തോമസ്, സി.പി.ഒ മാരായ പ്രദീഷ്, സൂര്യന്‍, എന്നിവരുടെ നേതൃത്യത്തിലുള്ള സംഘമാണ് പരിശോധന നടത്തിയത്. മുന്‍പും അനധികൃതമായി മദ്യവില്‍പന നടത്തിയ കേസില്‍ ഇയാള്‍ക്കെതിരെ രണ്ട് കേസുകള്‍ നിലവിലുണ്ട്. നിലമ്പൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പോത്തുകല്ല്: അനധികൃതമായി മദ്യവില്‍പന നടത്തുന്നതിനിടയില്‍ മുണ്ടേരി തെക്കേതൊടിക ഫൈസലിനെ എസ്.ഐ കെ. ദിജേഷിന്റെ നേതൃത്വത്തിലുള്ള സംഘം അറസ്റ്റ് ചെയ്തു. പ്രതിയുടെ പേരില്‍ മദ്യവില്‍പന നടത്തിയതിന് മുന്‍പും കേസുണ്ട്. നിലമ്പൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.