മഞ്ചേരി: കുട്ടശ്ശേരി വലിയപൊയില്‍ ശംസുല്‍ ഉലമ സ്മാരക ഹിഫ്‌ളുല്‍ ഖുര്‍ആന്‍ സ്‌കൂളിന്റെ നാലാം വാര്‍ഷിക- രണ്ടാം സനദ് ദാനസമ്മേളനം ഇന്നു സമാപിക്കും. ഹിഫ്‌ള് കോഴ്‌സ് പൂര്‍ത്തിയാക്കിയ പത്ത് ഹാഫിളീങ്ങള്‍ക്കുള്ള സനദ്ദാനം പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. സയ്യിദ് സ്വാലിഹ് തങ്ങള്‍ ഉദ്ഘാടനം ചെയ്തു.
ആനമങ്ങാട് മുഹമ്മദ്കുട്ടി ഫൈസി സനദ്ദാന പ്രഭാഷണം നടത്തി. ഷാഹുല്‍ ഹമീദ് മാസ്റ്റര്‍, സലീം എടക്കര, ഹസ്സന്‍ ദാരിമി, ഹംസഹാജി,കുഞ്ഞിമുഹമ്മദ് ദാരിമി, റഷീദ് ഫൈസി, സുലൈമാന്‍സഖാഫി പടിഞ്ഞാറ്റുമുറി, സി.ടി ജലീല്‍, കുഞ്ഞാപ്പ കാരക്കുന്ന് എന്നിവര്‍ സംസാരിച്ചു. ഇന്നലെ നടന്ന മതപഠനക്ലാസ് സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി ഉദ്ഘാടനം ചെയ്തു. സി.ഹംസ ക്ലാസെടുത്തു. സമാപന സമ്മേളനം ഇന്ന് വൈകിട്ട് നാലിന് നിയുക്ത എം.പി പി.കെ കുഞ്ഞാലിക്കുട്ടി ഉദ്ഘാടനം ചെയ്യും. മുസ്തഫ ഹുദവി ആക്കോട് മുഖ്യപ്രഭാഷണം നടത്തും. അഡ്വ. എം. ഉമ്മര്‍ എം.എല്‍.എ, എ.പി അനില്‍കുമാര്‍ എം.എല്‍.എ, കുഞ്ഞാപ്പുട്ടിഹാജി സംബന്ധിക്കും.