റിയാദ്: വിമാന സര്‍വീസ് ഇല്ലാത്തത് കാരണം തിരിച്ചെത്താൻ കഴിയാത്ത ഇപ്പോഴത്തെ സാഹചര്യത്തിൽ നാട്ടിൽ പോയവരുടെ റീ എന്‍ട്രി കാലാവധി അവസാനിക്കുന്നവര്‍ക്ക് ആശ്വാസ വാര്‍ത്തയുമായി സഊദി പാസ്പോർട്ട് വിഭാഗം. കാലാവധി അവസാനിക്കുന്നവരുടെ റീ എന്‍ട്രി നീട്ടി നല്‍കുമെന്നാണ് ജാവസാത് അറിയിച്ചത്. ഒരു ചോദ്യത്തിന് മറുപടിയായാണ് ജവാസാത്ത് ട്വിറ്ററില്‍ ഇതേക്കുറിച്ചു പ്രതികരിച്ചത്. ഇതിനുള്ള ഒരുക്കങ്ങള്‍ നടക്കുന്നതായാണ്. ജവാസാത്ത് അറിയിച്ചിരിക്കുന്നത്. 

      

     നിലവിൽ റി എൻട്രി വിസകൾ ആഗസ്ത് 20 വ്യാഴാഴ്ച കാലാവധി അവസാനിക്കാനിരിക്കേ പലരും അബ്ഷിർ വഴിയോ മുഖീം വഴിയോ വീണ്ടും പുതുക്കാനുള്ള സൗകര്യം വിനിയോഗിച്ചിരുന്നു. ഇതിനിടെയാണ് ഇത് പുതുക്കാനുള്ള നടപടികൾ ആരംഭിച്ചതായി ജവാസാത് ട്വിറ്ററിൽ മറുപടി നൽകിയിരിക്കുന്നത്. നാട്ടിലേക്ക് പോകാനുള്ള എക്സിറ്റ് വിസാ കാലാവധി അവസാനിക്കുന്നവരുടേയും കാലാവധികള്‍ നീട്ടി നല്‍കുമെന്നും ജവാസാത്ത് അറിയിച്ചു. ഇതിനുള്ള നടപടികളും പുരോഗമിക്കുന്നുണ്ട്.