ശ്രീകൃഷ്ണപുരം: കഴിഞ്ഞ ദിവസമുണ്ടായ കാറ്റിലും മഴയിലും കരിമ്പുഴ പഞ്ചായത്തില്‍ വ്യാപകമായ നാശനഷ്ടം. ഏക്കര്‍ കണക്കിന് കൃഷിയും നിരവധി വീടുകളും നശിച്ചു. ചെരത്താനി, കൊടത്തോട്, കോല്‍ക്കാട്, പടിഞ്ഞാറെ പാട ശേഖരം, കുറ്റിക്കോട് എന്നിവിടങ്ങളില്‍ പതിനായിരകണക്കിന് വാഴകള്‍  നശിച്ചു. പൊന്നോത്ത് ഉസ്മാന്‍, മോതിരപ്പീടിക സൈതലവി, ഒഴുകയില്‍ ജോസഫ്, പുളിക്കാടന്‍  മജീദ്, മൊയ്തീന്‍, ചാലപ്പുറത്ത് സുബ്രഹ്മണ്യന്‍ എന്നിവരുടെ ആയിരകണക്കിന് വാഴകള്‍ നശിച്ചു.
ആറ്റാശ്ശേരി, കുന്നക്കാട്, കോട്ടപ്പുറം, കൂടാംതൊടി, കാവുണ്ട,  ചീരക്കുഴി, കൊട്ടേക്കാവ് എന്നിവിടങ്ങളില്‍ റബ്ബര്‍, വാഴ നശിച്ചു. തോട്ടരയിലെ പാറക്കല്‍ പറമ്പ്, കുറ്റിക്കോട് പാടശേഖരം, എന്നിവിടങ്ങളില്‍ വാഴ പൂര്‍ണമായും നശിച്ചു. ചെറുവരമ്പത്ത് അമ്മാളുക്കുട്ടി അമ്മയുടെ വീടിനു മുകളില്‍ തെങ്ങ് വീണ് വീട് തകര്‍ന്നു. റവന്യു, കൃഷി വകുപ്പ് ഉദ്യോഗസ്ഥര്‍ സ്ഥലം സന്ദര്‍ശിച്ചു.