ബംഗളൂരു: സീസണിലെ 39-ാം മത്സരത്തില്‍ റോയല്‍ ചാലഞ്ചേഴ്‌സ് ബാംഗ്ലൂര്‍ ചെന്നൈ സൂപ്പര്‍ കിങ്‌സിനെ ഒരു റണ്‍സിന് പരാജയപ്പെടുത്തി. ടോസ് നഷ്ടപ്പെട്ടു ബാറ്റിങിനയക്കപ്പെട്ട ആര്‍.സി.ബി ഏഴു വിക്കറ്റിന് 161 റണ്‍സെടുത്തു. മറുപടി ബാറ്റിങ്ങിന് ഇറങ്ങിയ ചെന്നൈ 20 ഓവറില്‍ എട്ട് വിക്കറ്റ് നഷ്ടത്തില്‍ 160 റണ്‍സെടുത്തു. ഓപ്പണര്‍ പാര്‍ഥിവ് പട്ടേലിന്റെ (53) അര്‍ധ സെഞ്ചുറിയാണ്് ബാംഗ്ലൂരിനെ പൊരുതാവുന്ന സ്‌കോറിലെത്തിച്ചത്. 37 പന്തില്‍ നാലു സിക്‌സറും ര@ണ്ടു ബൗ@ണ്ടറികളുമുള്‍പ്പെട്ടതായിരുന്നു പാര്‍ഥിവിന്റെ ഇന്നിങ്‌സ്. മറ്റു ബാറ്റ്‌സ്മാന്‍മാര്‍ക്കൊന്നും കാര്യമായ സംഭാവന നല്‍കാനായില്ല.

കഴിഞ്ഞ മത്സരത്തില്‍ സെഞ്ചുറിയുമായി നിറഞ്ഞാടിയ ആര്‍.സി.ബി നായകന്‍ വിരാട് കോഹ്‌ലി നിരാശപ്പെടുത്തി. ഒന്‍പതു റണ്‍സെടുക്കാനേ കോഹ്‌ലിക്കായുള്ളൂ. മോയിന്‍ അലി (26), എബി ഡിവില്ലിയേഴ്‌സ് (25), അക്ഷ്ദീപ് നാഥ് (24), മാര്‍ക്കസ് സ്‌റ്റോയ്ണിസ് (14), പവന്‍ നേഗി (5) എന്നിവരാണ് പുറത്തായ മറ്റു താരങ്ങള്‍.