കോഴിക്കോട്: പൊലിസ് ഏറ്റവും ആധുനികവും ജനങ്ങളുടെ കാവലാളുമാകണമെന്ന് കേരള പൊലിസ് അസോസിയേഷന്‍ സെമിനാര്‍ അഭിപ്രായപ്പെട്ടു.
കോഴിക്കോട് സിറ്റി 34-ാം ജില്ലാ സമ്മേളനത്തോടനുബന്ധിച്ച് 'നവ കേരളത്തിലെ പൊലിസ് ' വിഷയത്തില്‍ ടൗണ്‍ ഹാളില്‍ നടന്ന സെമിനാര്‍ കോര്‍പറേഷന്‍ പ്രതിപക്ഷ നേതാവ് പി.എം സുരേഷ്ബാബു ഉദ്ഘാടനം ചെയ്തു. കേളു ഏട്ടന്‍ പഠനകേന്ദ്രം ഡയറക്ടര്‍ കെ.ടി കുഞ്ഞിക്കണ്ണന്‍, എം.എന്‍ കാരശേരി സംസാരിച്ചു.
അസോസിയേഷന്‍ സംസ്ഥാന ജനറല്‍ സെക്രട്ടറി പി.ജി അനില്‍കുമാര്‍ വിഷയാവതരണം നടത്തി. ടി.എന്‍ ഹര്‍ഷന്‍, ജി.എസ് ശ്രീജീഷ്, സി.ആര്‍ ബിജു, പി.ആര്‍ രഘീഷ് സംബന്ധിച്ചു. ഇന്നു നടക്കുന്ന പ്രതിനിധി സമ്മേളനം ഉത്തരമേഖലാ ഡി.ജി.പി രാജേഷ്ദിവാന്‍ ഉദ്ഘാടനം ചെയ്യും.