ബിരിക്കുളം: ഭാസ്‌കര കുമ്പളയുടെ ഇരുപതാം രക്തസാക്ഷി ദിനത്തിന്റെ ഭാഗമായി ഡി.വൈ.എഫ്.ഐ, ജനാധിപത്യ മഹിളാ അസോസിയേഷന്‍, ബാലസംഘം ബിരിക്കുളം മേഖലാ കമ്മിറ്റികളുടെ നേതൃത്വത്തില്‍ നടത്തിയ മഴവില്ല് ഗ്രാമോത്സവത്തിന്റെ ഭാഗമായി നടന്ന ഉത്തരമേഖലാ വോളിനൈറ്റില്‍ റെഡ്‌ഫൈറ്റേഴ്‌സ് ബിരിക്കുളം ജേതാക്കളായി.
യുവധാര പെരിങ്ങാരയ്ക്കാണു രണ്ടാം സ്ഥാനം. പി പത്മനാഭന്‍ സമ്മാനദാനം നടത്തി. ഗ്രാമോത്സവത്തിന്റെ സമാപന സമ്മേളനം സിനിമാതാരം വിനീത് കുമാര്‍ നിര്‍വഹിച്ചു. സംഘാടക സമിതി ചെയര്‍മാന്‍ എം ലക്ഷ്മി അധ്യക്ഷയായി.
സി.പി.എം ഏരിയാ സെക്രട്ടറി ടി.കെ രവി മുഖ്യപ്രഭാഷണം നടത്തി. ലോഗോ രൂപകല്‍പന ചെയ്ത ഹരി ക്ലാസിക്കിനു പി പത്മനാഭന്‍ ഉപഹാരം നല്‍കി.
വാര്‍ഡ് അംഗം സി രമ, പി.വി ചന്ദ്രന്‍, സി സുരേശന്‍, കെ.എം വിനോദ്, പി.എന്‍ രാജ്‌മോഹന്‍, വി രാജേഷ്, വി രുഗ്മിണി സംസാരിച്ചു.