ദമാം: സമസ്ത കേരള ഇസ്ലാം മത വിദ്യാഭ്യാസ ബോർഡിനു കീഴിൽ സ്കൂള്‍ വര്‍ഷ സിലബസ് പ്രകാരം കേരളത്തിലും ഇതര സംസ്ഥാനങ്ങളിലും വിദേശ നാടുകളിലും നടന്ന  2018-19 വർഷത്തെ പൊതു പരീക്ഷയിൽ മികവിന്‍റെ നൂറു മേനി നേട്ടവുമായി ദമ്മാം തർബിയ്യത്തുൽ ഇസ്ലാം മദ്രസ മുന്‍കാല മികവിന്‍റെ തിളക്കം നിലനിര്‍ത്തി.

 

5, 7, 10  ക്ലാസുകളില്‍ നിന്ന്‍ പരീക്ഷ എഴുതിയ മുഴുവന്‍ കുട്ടികളും  ഉന്നത മാര്‍ക്ക് കരസ്ഥമാക്കി വിജയിച്ചു. എഴാം തരത്തില്‍ മുഹമ്മദ് ബിൻഷാദിന്റെ  സഊദി ദേശീയ തലത്തിൽ ഒന്നാം റാങ്ക് നേട്ടത്തിനു പുറമേ അഞ്ച് ഡിസ്റ്റിങ്ഷനും ആറ് ഫസ്റ്റ് ക്ലാസുകളടക്കം നേടിയ വിജയത്തിളക്കം മദ്രസക്ക് മികച്ച അംഗീകാരം നേടി കൊടുത്തു. 

       

അഞ്ചാം തരത്തില്‍  ദേശീയ തലത്തില്‍ മൂന്നാം റാങ്ക്  കരസ്ഥമാക്കിയ സാറ സജയുടെ തിളക്കമാര്‍ന്ന വിജയത്തോടൊപ്പം  മൂന്ന് ഡിസ്റ്റിംഗ്ഷനും ഒമ്പത് ഫസ്റ്റ് ക്ലാസുകളും   രണ്ട് സെക്കന്റ് ക്ലാസുകളുമുള്ള വിജയ  നേട്ടം തർബിയ്യത്തുൽ ഇസ്ലാം മദ്രസ്സയുടെ യശസുയർത്തി. പരീക്ഷയിൽ ഉന്നത വിജയം നേടിയ വിദ്യാർത്ഥികളെ സമസ്ത നേതാക്കൾ  എന്നിവർ അനുമോദിച്ചു.

 

ഒന്നാംസ്ഥാനം സ്ഥാനം കരസ്ഥമാക്കിയ മുഹമ്മദ്‌ ബിന്‍ഷാദ് ദമാം അല്‍ മുനാ ഇന്റര്‍ നാഷണല്‍ സ്കൂള്‍ വൈസ് പ്രിന്‍സിപ്പല്‍ അബ്ദുൽ ഖാദര്‍ മാസ്റ്ററുുടെ മകനും, മൂന്നാം റാങ്ക് കരസ്ഥമാക്കിയ സാറ സജ  അറക്കൽ അബ്ദുറഹ്മാൻ മൗലവിയുടെ മകളുമാണ്.