റിയാദ്: നാളെ നടക്കുന്ന തിരഞ്ഞെടുപ്പില്‍ വോട്ടുകള്‍ ഭിന്നിച്ചു തീവ്ര ഹിന്ദു സംഘടനകള്‍ക്ക് ഭരണം ലഭിക്കുന്ന തരത്തിലേക്ക് പോകാതെ ഇന്ത്യയുടെ ഭാവി സുരക്ഷിതമാക്കാന്‍ മതേതര ശക്തിക്ക് ശക്തി പകരാന്‍ വിനിയോഗിക്കണമെന്നു സമസ്ത ഇസ്‌ലാമിക് സെന്റര്‍ സഊദി ദേശീയ കമ്മിറ്റി ആഹ്വാനം ചെയ്തു.

ഇന്ത്യയുടെ അവസാന തിരഞ്ഞെടുപ്പാണ് ഇതെന്ന ആരോപണം സത്യമാക്കുന്ന തരത്തിലാണ് സംഘപരിവാര്‍, തീവ്ര ഹിന്ദു സംഘടനകള്‍ കൈക്കൊള്ളുന്ന നിലപാടുകള്‍. അവരുടെ നേതാക്കളും ഭരണ കേന്ദ്രത്തില്‍ കൃത്യമായ ശക്തിമുള്ളവര്‍ പോലും ഭരണ ഘടനയെ പോലും വെല്ലു വിളിച്ച് നടത്തുന്ന ആഹ്വാനങ്ങളും പ്രഖ്യാപനങ്ങളും മുസ്‌ലിംകളടക്കം ഇന്ത്യന്‍ ന്യൂന പക്ഷങ്ങളുടെ ഭാവി തന്നെ ചോദ്യം ചെയ്യപ്പെടുന്ന സ്ഥിതി വിശേഷമാണ് നില നില്‍ക്കുന്നത്. അവരുടെ ദേശീയ നേതാക്കളില്‍ പലരും ഇക്കാര്യം വ്യക്തമാക്കുകയും പ്രധാനമന്ത്രിയടക്കം മറ്റുള്ളവര്‍ ഇതിനെ അനുകൂലിച്ചു തിരിച്ചു പറയാത്തതും ഹിഡന്‍ അജണ്ടകളാണ് ഓര്‍മ്മപെടുത്തുന്നത്.

ഈയവസത്തില്‍ ഇവര്‍ക്കെതിരെ മതേതര വിശ്വാസികളുടെ വോട്ടുകള്‍ ഭിന്നിക്കാതിരിക്കാനാണ് ശ്രമം നടത്തേണ്ടത്. വോട്ടുകള്‍ പല പെട്ടികളിലായി ഭിന്നിച്ച് പോകുമ്പോള്‍ വോട്ടിങ് ശതാമാനം കുറവാകുന്ന തീവ്ര ഹിന്ദു സംഘടനകള്‍ വിജയിക്കുന്ന അവസ്ഥയാണ് ഇന്ത്യയുടെ പല സംസ്ഥാനങ്ങളിലും കാണാന്‍ സാധിക്കുന്നത്. ഈയവസ്ഥ ഉണ്ടാകാതിരിക്കാന്‍ വോട്ടുകള്‍ മതേതര ശക്തികളുടെ സ്ഥാനാര്‍ത്ഥികള്‍ക്ക് നല്‍കുയാണ് മുഴുവന്‍ മതേതര വിശ്വാസികളും തയാറാകുകയാണ് മുന്നിലുള്ള ഏക വഴി.

അതിനായി വോട്ട് രേഖപ്പെടുത്താനായി പോകുമ്പോള്‍ തങ്ങളുടെ വിലയേറിയ സമ്മതിദാന അവകാശം കൃത്യമായി വിനിയോഗിക്കാന്‍ ഒരു വോട്ടര്‍മാരും സൂക്ഷമത പുലര്‍ത്തണമെന്നും ചെയുന്ന വോട്ടുകള്‍ കൃത്യമാണെന്ന് ഉറപ്പു വരുത്തണമെന്നും സമസ്ത ഇസ്‌ലാമിക് സെന്റര്‍ സഊദി ദേശീയ കമ്മിറ്റി പ്രസിഡന്റ് ഉബൈദുല്ല തങ്ങള്‍ മേലാറ്റൂര്‍, ജനറല്‍ സിക്രട്ടറി അലവിക്കുട്ടി ഒളവട്ടൂര്‍, ട്രഷറര്‍ കരീം ബാഖവി പൊന്മള, വര്‍ക്കിങ് സിക്രട്ടറി അബ്ദുറഹ്മാന്‍ മൗലവി അറക്കല്‍ എന്നിവര്‍ അറിയിച്ചു.