കാഞ്ഞങ്ങാട്: കാറിലെത്തിയ സംഘം ബൈക്കില്‍ സഞ്ചരിക്കുകയായിരുന്ന യുവാവിന്റെ പണം പട്ടാപ്പകല്‍ തട്ടിയെടുത്തു. അജാനൂര്‍ കടപ്പുറത്തെ മണിയുടെ കൈയില്‍ നിന്നാണു കഴിഞ്ഞദിവസം രാവിലെ പതിനൊന്നോടെ അക്രമികള്‍ പണവും എ.ടി.എം കാര്‍ഡ് ഉള്‍പ്പെടെയുള്ള രേഖകളും തട്ടിയെടുത്തത്. സംഭവവുമായി ബന്ധപ്പെട്ടു അജാനൂര്‍ കടപ്പുറത്തെ ദില്ലി ദിലീപ്, സുജിത്ത് എന്നിവരെ കാഞ്ഞങ്ങാട് പൊലിസ് അറസ്റ്റു ചെയ്തു.
സംഘം ബൈക്കില്‍ യാത്ര ചെയ്യുകയായിരുന്ന മണിയെ തടഞ്ഞു നിര്‍ത്തി വടിവാള്‍ വീശി ഭീഷണിപ്പെടുത്തി 37000 രൂപയും രേഖകളുംസ്‌കൂട്ടി ബൈക്കും  തട്ടിയെടുക്കുകയായിരുന്നുവെന്നാണ് പരാതി.