ഇരിട്ടി: ഡി.വൈ.എഫ്.ഐ ഉളിയില്‍ മേഖലാ ഗ്രാമോത്സവം കേന്ദ്ര കമ്മിറ്റി അംഗം ബിജു കണ്ടക്കൈ ഉദ്ഘാടനം ചെയ്തു. പി.വി ബിനോയ് അധ്യക്ഷനായി. ചടങ്ങില്‍ ദേശീയ കളരിപ്പയറ്റ് ചാംപ്യഷിപ്പില്‍ സമ്മാനം നേടിയ തീര്‍ഥാരാജനെ ഇരിട്ടി നഗരസഭാധ്യക്ഷന്‍ പി.പി അശോകന്‍ ഉപഹാരം നല്‍കി അനുമോദിച്ചു.
വിത്ത് വിതരണം മികച്ച കര്‍ഷകനായി തെരഞ്ഞെടുക്കപ്പെട്ട കെ. ദിവാകരനു വിത്ത് നല്‍കി ബ്ലോക്ക് സെക്രട്ടറി കെ.വി സക്കീര്‍ ഹുസൈന്‍ ഉദ്ഘാടനം ചെയ്തു.
അവയവദാന സമ്മതപത്രം സി.പി.എം ഇരിട്ടി ഏരിയാസെക്രട്ടറി ബിനോയ് കുര്യന്‍ ഏറ്റുവാങ്ങി. വി. വിനോദ് കുമാര്‍, കെ രാജന്‍, പി.വി ജലന, പി ജിജു, പി സൂരജ്, സി രാമകൃഷണന്‍ സംസാരിച്ചു. തുടര്‍ന്ന് വിവിധ യൂനിറ്റിലെ പ്രവര്‍ത്തകര്‍ അവതരിപ്പിച്ച കലാ പരിപാടികളും പട്ടുറുമാല്‍ ഗാനമേളയും അരങ്ങേറി.