തളിപ്പറമ്പ്/പയ്യന്നൂര്‍: അഴിമതി മുഖമുദ്രയാക്കിയ സര്‍ക്കാരാണ് പിണറായിയുടേതെന്ന് യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ്. തളിപ്പറമ്പില്‍ യൂത്ത് കോണ്‍ഗ്രസ് സംസ്ഥാന കമ്മിറ്റിയുടെ യൂത്ത് മാര്‍ച്ചിന് നല്‍കിയ സ്വീകരണത്തില്‍ സംസാരിക്കുകയായിരുന്നു ജാഥാ ലീഡര്‍ കൂടിയായ ഡീന്‍. ഇ.പി ജയരാജനും എ.കെ ശശീന്ദ്രനും ലഭിക്കാത്ത പരിഗണന എം.എം മണിക്ക് കിട്ടിയതിന് പിന്നില്‍ ദുരൂഹതയുണ്ട്. മണിയെ ന്യായീകരിക്കുന്നത് അഴിമതിക്കും കൊലപാതക രാഷ്ട്രീയത്തിനും കുടപിടിക്കുന്നതിന് വേണ്ടിയാണ്. സാംസ്‌കാരിക കേരളത്തിന് അപമാനമാണ് എം.എം മണി എന്ന മന്ത്രി. അയാളെ സംരക്ഷിക്കുന്നതിലൂടെ മുഖ്യമന്ത്രി പദത്തെ തന്നെ അപമാനിച്ചിരിക്കുകയാണ് പിണറായി വിജയനെന്നും ഡീന്‍ കുറ്റപ്പെടുത്തി. സമ്മേളനം കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത് ഉദ്ഘാടനം ചെയ്തു. ബ്ലോക്ക് യൂത്ത് കോണ്‍ഗ്രസ് പ്രസിഡന്റ് രാഹുല്‍ ദാമോദരന്‍ അധ്യക്ഷനായി. റിജില്‍ മാക്കുറ്റി, വിദ്യ ബാലകൃഷ്ണന്‍, അഡ്വ. സോണി സെബാസ്റ്റ്യന്‍, ജോമോന്‍ ജോസ്, ഒ.കെ പ്രസാദ്, കെ. കമല്‍ജിത്ത്, അനില്‍ പെരിക്കണ്ണാമല, എന്‍.എസ് നുസൂര്‍, ജോഷി കണ്ടത്തില്‍, ടി.ജി സുനില്‍, വി.പി അബ്ദുല്‍ റഷീദ്, ടി. ജനാര്‍ദ്ദനന്‍, ഇ.ടി രാജീവന്‍, അജ്മല്‍ വണ്ടൂര്‍, പ്രജീഷ് കൃഷ്ണന്‍, പ്രജിത്ത് റോഷന്‍ സംസാരിച്ചു.
ജില്ലയിലെ ആദ്യ സ്വീകരണ കേന്ദ്രമായ പയ്യന്നൂര്‍ ടൗണ്‍ സ്‌ക്വയറില്‍ സമ്മേളനം ഡി.സി.സി പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്തു. എം.കെ രാജന്‍ അധ്യക്ഷനായി. കെ. അഭിജിത്ത്, സാജിദ് മൗവ്വല്‍, എം. നാരായണന്‍കുട്ടി, എ.പി നാരായണന്‍, റഷീദ് കവ്വായി, ഡി.കെ ഗോപിനാഥ്, കെ. ജയരാജ്, ജി. ലീന, മണ്‍വിള രാധാകൃഷ്ണന്‍ സംസാരിച്ചു. പഴയങ്ങാടിയിലെ സ്വീകരണത്തില്‍ എ.വി സനില്‍ അധ്യക്ഷനായി. ജനറല്‍സെക്രട്ടറി ഇഫ്ത്തിക്കറുദ്ദീന്‍, ടി.വി അനീഷ്, എം.വി മനോജ്, ദേവന്‍ കപ്പച്ചേരി സംസാരിച്ചു.
ഇന്ന് കരുവഞ്ചാല്‍, ഇരിട്ടി, മട്ടന്നൂര്‍, ധര്‍മ്മടം, കണ്ണൂര്‍, അഴീക്കോട് എന്നിവിടങ്ങളില്‍ മാര്‍ച്ചിന് സ്വീകരണം നല്‍കും.