ദോഹ : വാണിമേല്‍ പഞ്ചായത്ത് മുസ്ലിം ലീഗ് പ്രസിഡന്റും മണ്ഡലത്തിലെ അറിയപ്പെടുന്ന നേതാവും സാമൂഹ്യ സാംസ്‌കാരിക വിദ്യാഭ്യാസ രംഗത്തെ ശ്രദ്ധേയ സാന്നിധ്യവുമായിരുന്ന സി കെ മമ്മു മാസ്റ്ററുടെ നിര്യാണത്തില്‍ നാദാപുരം മണ്ഡലം കെ എം സി സിയും വാണിമേല്‍ പഞ്ചായത്ത് കെ എം സി സി യും സംയുക്തമായി അനുശോചന യോഗം പ്രാര്‍ത്ഥനയും സംഘടിപ്പിച്ചു . ഖത്തര്‍ കെ എം സി സി ഹാളില്‍ നടന്ന യോഗത്തില്‍ മുസ്ലിം ലീഗ് സംസ്ഥാന ജനറല്‍ സെക്രട്ടറി കെ പി എ മജീദ് , അബ്ദുന്നാസര്‍ നാച്ചി, സി പി എ അസീസ് മാസ്റ്റര്‍ , ജാഫര്‍ തയ്യില്‍ ,ടി മൂസ്സ മാസ്റ്റര്‍ , മമ്മു കെട്ടുങ്ങല്‍,
എസ് കെ അസ്സൈനാര്‍, സിദ്ദീഖ് വെളളിയോട്, സി പി സി ആലികുട്ടി, ഡോ. എന്‍ പി കുഞ്ഞാലി, സാദിഖ് ചെന്നാടന്‍ പ്രസംഗിച്ചു .പി പി അശ്‌റഫ് മൌലവി പ്രാര്‍ത്ഥനക്കു നേതൃത്വം നല്‍കി. ഷംസുദ്ദീന്‍ വാണിമേല്‍ സ്വാഗതം പറഞ്ഞു.