ന്യൂഡല്‍ഹി: രാഷ്ട്രപതി തെരഞ്ഞെടുപ്പില്‍ പ്രതിപക്ഷ പാര്‍ട്ടികളെ ഒന്നിപ്പിച്ച് ഒരു സ്ഥാനാര്‍ഥിയെ നിര്‍ത്താന്‍ കോണ്‍ഗ്രസ് അധ്യക്ഷ സോണിയാ ഗാന്ധി ശ്രമം തുടങ്ങി. ഇതിന്റെ ഭാഗമായി ജമ്മു കശ്മീര്‍ മുന്‍ മുഖ്യമന്ത്രി ഉമര്‍ അബ്ദുല്ലയുമായി സോണിയ ഇന്ന് കൂടിക്കാഴ്ച നടത്തി. അടുത്ത ദിവസങ്ങളില്‍ ബി.എസ്.പി നേതാവ് മായാവതിയെയും പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയെയും കാണും.

ഇക്കാര്യത്തില്‍ ബിഹാര്‍ മുഖ്യമന്ത്രി നിതീഷ് കുമാര്‍, ആര്‍.ജെ.ഡി അധ്യക്ഷന്‍ ലാലു പ്രസാദ് യാദവ്, എന്‍.സി.പി അധ്യക്ഷന്‍ ശരദ് പവാര്‍ എന്നിവരുമായും മുസ്‌ലിം ലീഗ് അടക്കമുള്ള പാര്‍ട്ടി നേതാക്കളുമായും സോണിയ കൂടിക്കാഴ്ച നടത്തിയിരുന്നു. പ്രതിപക്ഷത്തിന് പൊതുസ്ഥാനാര്‍ഥിയെ നിര്‍ത്തുന്നതുമായി ബന്ധപ്പെട്ട് സി.പി.എം ജനറല്‍ സെക്രട്ടറി സീതാറം യെച്ചൂരിയും സോണിയയുമായി ചര്‍ച്ച നടത്തിയിരുന്നു.