ആനക്കര: കുമരനല്ലൂര്‍ ഇര്‍ശാദിയ യത്തീംഖാന സില്‍വര്‍ജൂബിലി സമ്മേളനവും സന്നദ് ദാനവും അഞ്ച്, ആറ് തിയ്യതികളില്‍ നടക്കും. ആനക്കര കോയക്കുട്ടി മുസ്‌ലിയാരുടെ മഖാം സിയാറത്തോടെ രണ്ട് ദിവസം നീണ്ടു നില്‍ക്കുന്ന പരിപാടികള്‍ക്ക് തുടക്കമാകുമെന്ന് സ്വാഗത സംഘം ഭാരവാഹികള്‍ പറഞ്ഞു.
വെള്ളി വൈകിട്ട് അഞ്ച് മണിക്ക് എം.വി ഇസ്മയില്‍ മുസ്‌ലിയാര്‍ പതാക ഉയര്‍ത്തും. ഏട്ട് മണിക്ക് സിംസാറുല്‍ ഹഖ് ഹുദവി മുഖ്യപ്രഭാഷണം നടത്തും.
മാവറയിലെ യത്തീംഖാന കോംപ്ലക്‌സിനോട് ചേര്‍ന്നുള്ള മൈതാനിയിലാണ് സമ്മേളന വേദി പാണക്കാട് സയ്യിദ് അബ്ബാസലി ശിഹാബ് തങ്ങള്‍ സമ്മേളനം ഉദ്ഘാടനം ചെയ്യും. ടി.എ ഖാദര്‍ അധ്യക്ഷനാകും.
സി.എം ഇബ്രാഹിം സ്വാഗതപ്രസംഗം നടത്തും. അല്‍ മുര്‍ശിദ് പുസ്തക പ്രകാശനം പി.വി ഉമ്മര്‍ മൗലവിക്ക് നല്‍കി സയ്യ്ദ് അബ്ബാസലി ശിഹാബ് തങ്ങളും നിര്‍വഹിക്കും.
മെയ് ആറിന് ഒന്‍പത് മണിക്ക് അറിവിന്‍ തീര്‍ഥം പരിപാടി റഫീഖ് അന്‍വരി ഉദ്ഘാടനം ചെയ്യും. സി.എം ഇബ്രാഹിം അധ്യക്ഷനാകും. അബ്ദുല്‍ഗഫൂര്‍ അന്‍വരി ക്ലാസെടുക്കും. അഹമ്മദ് ഫൈസി കക്കാട്, തബ്‌സീറ അവതരിപ്പിക്കും.
സി. ഹംസ മേലാറ്റൂര്‍, റഷീദ് കക്കിടിപ്പുറം ക്ലാസെടുക്കും. വൈകിട്ട് അഞ്ച് മണിക്ക് നടക്കുന്ന സാംസ്‌കാരിക സദസ് വി.ടി ബല്‍റാം എം.എല്‍.എ ഉദ്ഘാടനം ചെയ്യും.
ബഷീര്‍ ഫൈസി ദേശമംഗലം മുഖ്യ പ്രഭാഷണം നടത്തും. സമാപന സമ്മേളനം സമസ്ത പ്രസിഡന്റ് സയ്യദ് മുഹമ്മദ് ജിഫ്രി തങ്ങള്‍ ഉദ്ഘാടനം ചെയ്യും. സനദ് ദാന പ്രഭാഷണം സമസ്ത സെക്രട്ടറി പ്രൊഫ. കെ. ആലി കുട്ടു മുസ്‌ലിയാര്‍ നടത്തും.
സയ്യദ് മുത്തുകോയ തങ്ങള്‍ അധ്യക്ഷനാകും. സ്വാഗത സംഘം ഭാരവവാഹികളായ ടി.എ കാദര്‍, സി.എം ഇബ്രാഹിം, പി.എച്ച് റഫീഖ് അന്‍വരി, വി.വി.എ റഊഫ്, കെ.കെ ഹൈദ്രു ഹാജി പരിപാടികള്‍ വിശദീകരിച്ചു.