ബദിയടുക്ക: നിയന്ത്രണം വിട്ട കാര്‍ കുഴിയില്‍ മറിഞ്ഞു നാലു പേര്‍ക്ക് പരുക്ക്. ഇന്നലെ ഉച്ചയോടെ ബദിയടുക്ക പള്ളത്തടുക്കക്കു സമീപം പര്‍ത്തികാറിലാണ് അപകടം. പരിയാരത്തു നിന്നു ധര്‍മ്മസ്ഥലത്തേക്ക് പോവുകയായിരുന്ന കാറാണ് പര്‍ത്തിക്കാര്‍ വളവില്‍ നിയന്ത്രണം വിട്ട് 15 അടി താഴ്ചയിലേക്ക് തല കീഴായി മറിഞ്ഞത്. പരിയാരം സ്വദേശി സുമേഷിന്റെതാണ് അപകടത്തില്‍പെട്ട കാര്‍. കാറിലുണ്ടായിരുന്ന നാലു പേരും നിസാര പരുക്കുകളോടെ രക്ഷപ്പെട്ടു.